السيسي لـ"أهالي الريف": الأرض اللي معاكم غالية جدًا.. استفيدوا منها بدلاً من التعدي عليها
قال الرئيس عبد الفتاح السيسي، صباح اليوم الأربعاء، إن تنفيذ المصانع الستة بمجمع الأسمدة الأزوتية بالعين السخنة استغرق أربع سنوات.
السيسي لـ"أهالي الريف": الأرض اللي معاكم غالية جدًا.. استفيدوا منها بدلاً من التعدي عليها
وأضاف خلال افتتاح مجمع مصانع الأسمدة الأزوتية بمجمع النصر للكيماويات الوسيطة بمدينة العين السخنة، اليوم الأربعاء، أن الدولة تتعاون في هذا الإطار، مع أفضل شركات صناعة على مستوى العالم في هذا المجال.
وأشار إلى أن جزءا في التفاوض مع هذه الشركات كان إنجاز المهمة في أسرع وقت ممكن، متابعا: "ناس كتير بيقولوا إنتوا ليه مش مهتمين بالصناعة.. إحنا علشان نهتم بالصناعة ونتحرك فيها هناخد وقت وجهد كبير أوي وتكلفة كبيرة".
وأشار إلى أن تكلفة إنشاء مجمع مصانع الأسمدة الأزوتية تبلغ 800 مليون دولار، يُضاف إليها ثمن الأرض والمرافق التي تصل إلى هذه المناطق.
وتابع الرئيس السيسي: "رقم كبير علشان نعمل مصانع كبيرة نقدر وفرت بيها احتياجاتنا ويتبقى جزء للتصدير ده موضوع هياخد وقت.. ولازم نعرف إحنا كان عندنا أولويات موجودة".
واستكمل الرئيس السيسي: "هل أقدر أجي أعمل مصنع زي كده من غير ما يكون عندي الطاقة الكهربائية اللازمة؟.. مش ممكن.. لو معنديش كهرباء هعمله إزاي، لو معنديش غاز هعمله إزاي".
وقال الرئيس عبد الفتاح السيسي، إن محطات الرفع في مشروع الدلتا الجديدة ووسط سيناء، تستهدف معالجة مياه الصرف الزراعي لحمايتها من الإهدار كما كان يجرى في السابق بإلقائها في بحيرة المنزلة، تم عمل سحارات لتوصيل المياه لشرق القناة في سيناء، وخطوط مياه لزراعة الأراضي".
أضاف الرئيس السيسي، خلال افتتاح مجمع الأسمدة الأزوتية بالعين السخنة، أنه يرحب بدخول كل المطورين في المشروعات الزراعية، مردفا: "إحنا عملنا البنية الأساسية لمحطات معالجة الصرف الزراعي، وقطعنا المشوار الكبير اللي كان هيكلفك مليارات الجنيهات، وأنا ماقدرش أطالبك بيه.. الأرض الزراعية موجودة وإحنا ماعدناش مشكلة حد يدخل معانا، وبقول لإخواننا اللي في الريف: الأرض اللي معاكم غالية جدًا.. استفيدوا منها بدلاً من التعدي عليها أو تبويرها".
وتابع الرئيس السيسي: "نحن نتحدث عن زراعة حديثة ونظم ري حديثة والاستخدام الاقتصادي للمياه، ومشروع الدلتا الجديدة نفس الكلام، بتجمع الصرف الزراعي وبتتم معالجتها معالجة ثلاثية والموضوع ده محتاج ينفق على تغطيته إعلاميا كويس جدا، وانتو لو شفتوا محطات الرفع وكل محطة منها عمل هندسي محترم بكل معداته.. كل عمل هندسي واحد في محطة من محطات الرفع تكلفته كبيرة جدا علشان تنقل المياه 7.5 مليون متر مكعب / اليوم".
