كريم العدل يهاجم منتقدي منى زكي: "كفاية نظرية المؤامرة"
علق المخرج كريم العدل، على الهجوم الذي شن على الفنانة منى زكي، بسبب بوستر مسلسل "تحت الوصاية" الذي يعرض خلال موسم رمضان 2023.
كريم العدل يهاجم منتقدي منى زكي: "كفاية نظرية المؤامرة"
وكتب كريم العدل، على حسابه بفيسبوك "دي تويتة وقعت قصادي بالصدفة.. بس الموضوع ده غريب جدا والله .. يعني اولا الجمال ده شيء نسبي .. لو انتي شايفة ان منى زكي كده وحشة، ف دي رؤيتك انتي انا ممكن اشوفها حلوة عادي".
وتابع: "هى يا جماعة نيكول كيدمان لما بوظت مناخيرها علشان دور، ولا توم كروز لما طلع بكرش و اصلع، كانوا بيعملوا كده علشان عايزين يقولوا ان فيه فئة معينة شكلها وحش؟!! مش منطق ابداً والله".
وتابع "ثانيا، انا حقيقي مش فاهم ايه علاقة التعليم بالموضوع عامة ثالثا، هل ده معناه ان كل المحجبات قمرات ومافيهومش ولا واحدة وحشة؟ مش منطقي.. وتاني نرجع نقول ده شيء نسبي يختلف من شخص للتاني".
وأوضح "رابعا بقى، منى زكي مسلسلها بنسبة كبيرة عن شخصية حقيقية، وبيحاولوا يقربوا بالشكل.. اصلا بقى".
واختتم: "بجد الناس بقت بتحمل الفن و الدراما فوق طاقته.. وبياخدوا كل حاجة بشكل شخصي جدا.. و طول الوقت عندهم نظرية المؤامرة، وكل واحد ولا واحدة يطلع يقول لك الكلمة اللذيذة بتاعة "السم في العسل" استهدوا بالله كده يا جماعة بجد".
طرحت الشركة المنتجة البرومو الدعائي الأول لمسلسل "تحت الوصاية" بطولة الفنانة منى زكي، الذي يتم ن من 15حلقة، ومن المقرر عرضه في موسم رمضان 2023.
وظهرت منى زكي، خلال البرومو الرسمي بصحبة طفليها رضيع وآخر يكبره بعدة سنوات، وهى تتجول داخل المقابر لحين الوصول إلى قبر زوجها.
وقدمت منى زكي اعتذارا لزوجها بعد قرار مصيري يخص حياتها، قائلة: "أنا آسفة يا حبيبي على اللي هعمله والله.. بس أنا ماكنش عندي حل تاني.. أنا تعبت أوي".
وتُجسد منى زكي داخل المسلسل، دور أرملة فاقدة الثقة في نفسها تكتفي برعاية بيتها وطفليها، بعد وفاة زوجها، لتجد نفسها وحيدة في مواجهة عالم ذكوري، وتمر بعثرات وتحديات تتخطاها تباعا لتتحول من امرأة مستسلمة مغلوبة على أمرها إلى امرأة قادرة على تحدي الجميع وتحقيق المستحيل.
المسلسل من بطولة الفنانة منى زكى، نسرين أمين، دياب، رشدى الشامى، مها نصار، خالد كمال، محمد عبدالعظيم، على الطيب، ثراء جبيل، أحمد خالد صالح، تأليف خالد دياب، شرين دياب، إخراج محمد شاكر.
