"كانوا فكرني من مطوبس".. سلافة غانم تكشف أغرب تعليق على شخصيتها بمسلسل "بالطو"
الأحد 26/فبراير/2023 - 01:44 م
خطفت شخصية "ميس حلمية"، الأنظار خلال مسلسل بالطو وهي ممرضة بوحدة طرشوخ الليف الصحية، وأشاد الكثيرون بأدائها وخفة الدم هي الفنانة الجميلة سلافة غانم.
"كانوا فكرني من مطوبس".. سلافة غانم تكشف أغرب تعليق على شخصيتها بمسلسل "بالطو"
وتحدثت سلافة غانم خلال حوارها لـ"مصر تايمز" عن تحضيرات شخصية ميس حلمية، قائلة: أنا أول ماجالي الورق قعدت اضحك بس جالي 6 حلقات وبعدين اتصلت بيهم بعد 3 ساعات وقولتلهم انا عايزة باقي الورق حالا".
تابعت:" اشتغلت على الشخصية مع المخرج عمر المهندس وتعبنا جدا لان كل شخصية ليها بصمتها وقعدنا ندور على لفة الطرحة وطريقة الكلام كل حاجة" .
وعن تعليقات السوشيال ميديا على المسلسل ، قالت:" كل التعليقات عجبتني ومبهورة بالنجاح ده ولكن في حد كلمني وقالي كنت فاكرك من مطوبس وجابوكي علشان تشتغلي في المسلسل وده مزعلنيش لانه يدل على نجاح الشخصية".
