شاب يدخل فى غيبوبة بعد أخذه "حقنة هتلر" للبرد من إحدي الصيدليات
دخل شاب فى غيبوبة بعد إعطائه حقنة هتلر للبرد فى إحدى الصيدليات ، وقال صديق الشاب "عمرو شاب عنده 36 سنه وفرحه بعد شهرين،،،يوم الأحد 19 فبراير راح يشتري مسكن عشان أعراض البرد تخف عشان يشوف شغله ويروح لخطيبته راح الصيدلية اللي جنب البيت يطلب المسكن (صيدلية التوحيد بإمتداد شارع 10 متفرع من شارع العشرين - عين شمس) راحت الصيدلانيه (إسمها/ نعمه) قالتله المسكن لوحده مش كفايه،،،
خد ال ٣حقن دول أفضل وهتبقى زي الفل خلال ساعة الحقن عبارة عن مضاد حيوي وكورتيزون ومسكن (المعروفه بحقنة هتلر أو مجموعة البرد) المضاد كان محتاج إختبار حساسيه ومتعملش والحقن كمان غلط تتاخد مع بعض،،، وعرفنا بعد كده إن في تحذير من وزارة الصحة من حقنة المضاد دي وإنها ممكن تسبب الوفاة".
وتابع "أول ما عمرو خد الحقنه جسمه فار ودخل في غيبوبة نتيجة صدمة حساسية،،،الام طلبت الصيدلانيه تلحقة بأي حقنة مضاده وكل اللي عملته إنها حطتله ملح تحت لسانه وسابته ومشيت!!!صدمة الحساسية وحقنة هتلر دخلت عمرو في غيبوبة خلال دقايق، ووقفت القلب والرئة وسببت كمان موت في خلايا المخ.عمرو وصل المستشفى حالته خطيرة جدا وهو حاليا في الرعاية المركزه بين ايد ربنا. اللي في الصيدلية طلعت مش دكتورة،،،وعمرو متبلغش إن في إختبار حساسية مطلوب،،،والدوا إتصرف من غير روشته،،،ووزارة الصحة محذرة من إن أي صيدليه تدي مجموعة البرد (المعروفة بحقنة هتلر)متخيلين وضع أمه وأبوه المرضى متخيلين وضع إخواته واهله إنهارده عمرو ممكن بكرة تكون إنت أو أخوك أو إبنك الإهمال ده لازم يكون ليه حل،،،عاوزين حق عمرو،،،لازم الصيدلية تتقفل،،لازم كل مسؤول عن اللي حصل يتحاسب،،تم التوجه وعمل محضر في قسم عين شمس برقم 1709 لسنة 2023".
