"عايش في رعب".. مشجع الزمالك يكشف تفاصيل المشادة الكلامية مع مرتضى منصور

كشف محمد زينهم مشجع الزمالك، تفاصيل المشادة الكلامية مع مرتضى منصور رئيس نادي الزمالك، أمام مجلس الدولة اليوم الأحد.

"عايش في رعب".. مشجع الزمالك يكشف تفاصيل المشادة الكلامية مع مرتضى منصور

وقررت محكمة القضاء الإداري بمجلس الدولة، إعادة الدعوى التي أقامها المستشار مرتضى منصور، رئيس نادى الزمالك ضد اتحاد الكرة بسبب أزمة إيقاف قيد صفقات الزمالك الجديدة "ناصر منسى وأحمد بلحاج ومحمود شبانة" ، في فترة الانتقالات الشتوية الأخيرة للمرافعة لهيئة المفوضين لجلسة 5 مارس.

وقال المشجع عبر حسابه الشخصي بموقع التواصل الاجتماعي "فيسبوك": "بدايةً كده انا مغلطتش ف حد والفيديو موضح ده كويس كل اللى حصل بينى وبين رئيس نادى الزمالك انى ناقشته ف النتايج والصفقات الضرب اللى مش عارفين حتى يجيبوا هدف".

وأضاف: "مش مجرد التعادل فجأه لقيت اكتر من 15 فرد بيشدونى من وسط الزحمه زى م هو واضح ف الفيديو وفجأة لقيت التدافع بيبعدنى عن باب المحكمه والمصورين ودخلنا الشارع الجانبى لمجلس الدوله، ولقيتهم بدأوا يتاكاتروا عليا لولا ستر ربنا ووجود حرس المحكمه اللى خدونى من بين ايديهم ومشيت عشان اخد عربيتى وامشى لقيت 2 جايين ورايا وشكلهم منتهى التسول وقفوا ورا عربيتى وصوروا نمرة عربيتى وجريوا".

واردف: "انا كل علاقتى بالاحداث انى مشجع درجه تالته عاشق للكيان لا ليا علاقه بصفحات ولا تريندات ولا شهره، لكن لما عربيتى تتصور ويحصل معايا اللى حصل قصاد مجلس الدوله فده فعلاً يخلينى اعيش ف رعب انا بعلنها قصاد الناس انى بالرغم من كونى محامى لكن فعلاً بدأت اخاف يجرالى حاجه".

وأتم مشجع الزمالك حديثة قائلًا: "عمرى م اتخيل ان الكوره تعيشنى ف رعب من حد بالشكل ده، ادعولى ربنا يسترها عليا من مرتضى منصور واعوانه".

"عايش في رعب".. مشجع الزمالك يكشف تفاصيل المشادة الكلامية مع مرتضى منصور

وجاءت المشادة بينهما كالتالي:

-المشجع: فين البطولات يا سيادة المستشار؟ احنا تعبنا.

-مرتضى منصور: ما احنا أخدنا الدوري.

-المشجع: ده السنة اللي فاتت، فين أفريقيا؟ جمهور الأهلي بيذلنا يا سيادة المستشار، فين الصفقات؟.

-مرتضى منصور: انت حضرت معانا الجلسة؟.

-المشجع: لا محضرتش بسبب شغلي أنا محامي.

-مرتضى منصور: يبقى أنت عيل مأجور وعايز تركب التريند.