شكاوي مستمرة من سوء خدمة شركة we وطريقة تعاملها مع العملاء

تواصلت الشكاوى من شركة we  بسبب سوء الخدمة والرد على العملاء سواء الجدد أو الحاليين.

وقالت صاحبة الشكوي " Telecom Egypt قدمت على ارضي ونت من اكتر من شهر وبعد الفني ما حاول يوصل الحرارة قال الارضي في مشكلة لازم تتحل الاول وطبعا من يومها ف محاولات معاهم انهم يحلوا المشكلة وللأسف مفيش اي اهتمام  وعملت شكاوي كتييييير وده رقم شكوى منهم 97341744 ولكن دون أي جدوى ..ايه الحل دلوقتي انا دافعه مبلغ لتقديم التليفون والنت والراوتر ومش عايزين يرجعوا الفلوس ولا يوصلوا الحرارة".

وكان عدد من المواطنين قد اشتكوا من سوء خدمة شركة We والانقطاع المستمر للانترنت، وقالت صاحبة الشكوي ، Telecom Egypt حقيقي انتم شركة فاشلة و مبتفهموش يعنى ايه التزام ولا احترام العملاء، بقالي نص ساعة مستنية قسم التركيبات يرودو عليا عشان حد ييجي يركب الراوتر اللى هما اصلا متأخرين عليا اسبوعين فى تركيبه و قبلها كان فى تأخير شهرين عشان ييجو يركبه الأسلاك الفايبر .. وكل ده مفيش Wifi و كل شغلنا من البيت.. شركة فاشلة من أولها لآخرها.

"مفيش احترام للعملاء ولا شغلهم".. شكاوي من سوء خدمة الإنترنت بشركة WE

وقال صاحب شكوي اخري،"Telecom Egypt غير الدنيا غير اي حد انا في حته ضايعه اكتر من 3 ايام وشكاوي لا تنتهي دون حل انقطاع الحراره عن الخط الارضي وبطيء فالانترنت وفلوس بتدفع في الارض !! ياجماعه عندي شغل واكل عيش على النت مفيش فايد حنبعت حد فني مفيش حد شكاوي لاتنتهي دون حل رقم الشكوي 97949756 وومفاجأه بعد كده انزل جنب بيتي الاقي الكبلات مفطوعه بتاعت التليفون وخطوط الناس مباحه اي حد يقطع ويعمل فيها براحته !!!!!!! لا بجد في حته ضايعه !!"

وتابع "حقوق الناس مش لعبه ومش هسكت وهصعد الموضوع لاعلي مستوى ده عبث وميرضيش ربنا الاستهتار بحقوق الناس والوساطه والمحسوبيه في اني يجلي مندوب".