الموزع أحمد إبراهيم لـ الهضبة: الدنيا بتغُر

حرص الموزع الموسيقى أحمد إبراهيم، علىى توجيه رسالة للمطرب عمرو دياب، بعد نجاح تعاونهم فى أغنيته "بطمن عليك".

ونشر أحمد إبراهيم، مقطع من الأغنية عبر حسابه الشخصى على موقع تبادل الصور والفيديوهات القصيرة الشهير "إنستجرام" وعلق قائلا: "شكرًا يا هضبة على تقديرك الكبير ليا ولموهبتى، لنصايحك وأفكارك ومشاركتك للرؤية الفنية والشكل الموسيقى، ولصوتك وإحساسك الملهم للإبداع".

وأضاف أحمد إبراهيم، قائلًا :"20 سنه "قبلك" نجحت فيهم بفن من تأثير فنك عليا وعلى جيلي، و ٣ سنين نجاح بعدك هما الأهم ".

وتابع أحمد إبراهيم، قائلًا :"الحمد والشكر لله الملك على وجودك وسطنا استفاد منك اللي نافسك واللي انتجلك واللي اتصور معاك واللي اشتغل معاك او حتى اشتغل في زمنك اتعلم منك حتى اللي بيطلع يهاجمك ويعاديك استفاد واشتهر .. بحبك يا هضبة ".

وأختتم أحمد إبراهيم :"كتبت الكلمتين دول في وقت نجاح ساحق عشان الدنيا بتغُر والنماذج الهش كتير".

و طرح عمرو دياب، أغنية "بطمن عليك" بالتزامن مع عيد الحب، وذلك عبر خدمة فودافون .

"بطمن عليك" من كلمات وألحان عزيز الشافعي، توزيع أحمد ابراهيم، وميكساج وديجيتال ماستر أمير محروس.

كلمات أغنية "بطمن عليك"

أنا بطمن عليك مش عايز حاجة منك

غير بس إنك ترد

إنت كويس بجد؟

مش ناقصك أي حاجة؟

مش ناقصك أي حد؟

يابعيد عن عيني 

ياعيني بعيد

م القلب أنا بسلم

منا معزز سلام الإيد