زوج الضحية داليا الحوشي: بطالب بإعادة استجواب نورهان.. وبنتي عمرها ما ذبحت فرخة
طالب الحاج خليل زوج السيدة داليا الحوشي، المقتولة على يد ابنتها وعشيقها في محافظة بورسعيد، بإعادة استجواب ابنته "نورهان" مرة أخرى في القضية.
وقال خليل، في تصريحات لـ "مصر تايمز": بنتي ملهاش علاقة بدم أمها من قريب أو من بعيد، إحنا اسرة متماسكة والكل بيشهد على كده، بنتي مش طبيعية تماما محدش يتحكم عليه بالإعدام ويبقى بالثبات ده".
وأضاف:" لو شوفت بنتي بعين بتقتل أمها مش هصدق، بنتي تعليم جامعي، عايز أعرف إيه اللي حصل لبنتي، والولد ابتزها إزاي، حقي كأب عايز اعرف بنتي اتعمل فيها كده إزاي".
وتابع: " مش ممكن يكون في علاقة بين بنتي وبين الولد ده، بنتي متربية كويس وتعليم جامعي، مش بدافع عنها أو مبقولش في علاقة، عايز أعرف إزاي الود ابتزها، ممكن يكون بيبتزها".
وأكمل: " كلام محامي المتهم استفزني عشان بيطالب بالبراءة للمتهم وبيقول بنتي هي اللي عملت كل حاجة، بنتي عمرها ما دبحت فرخة، هو ينفع اللي سفك الدم يكرم في دور رعاية؟".
واختتم: مش هفرط في حق مراتي، أسرتي كلها ادمرت بسبب شيطان، إزاي يتحط في دور رعاية وبعد شهرين يطلع وأشوفه في الشارع، تخيلوا رد فعلي هيبقى إيه"، - على حد قوله-.
