ياسمين عز عن الفيديو المسرب لها مع مبروك عطية: بقيت أعرف أقور محشي
علقت ياسمين عز، عن ما أسمته الفيديو المسرب لها مع الشيخ مبروك عطية، الأستاذ بجامعة الأزهر الشريف.
وقالت في تعليق عبر برنامجها "كلام الناس" ،"لما باخد إجازة مينفعش تعدي بسلام، الأسبوع اللي فات لما خدت إجازة، قالك إلحق الفيديو أو الحلقة المسربة لياسمين مع الشيخ مبروك عطية".
وأضافت: "الفيديو المسرب اللي جابوه من على شاهد، لما كنت مستضيفة الشيخ مبروك عطية من 8 شهور، كنا بنتكلم عن الرجل والمرأة، الشيخ كان بيتكلم عن الأكل وأنا كنت بكلمه عن المحشي، وكنت بقوم بدور الطرف الغائب في الحوار".
وتابعت : "فقلت له: أنا دلوقتي بقيت أعرف أعمل محشي، وجوزي مقتدر، إيه المشكلة إنه يجيب طباخة؟! واسترسلنا في الحديث، وهنا أنا كنت بتكلم بالنيابة عن الطرف الغائب في اللقاء".
وأكملت: "ورغم هذا، أنا من سنة ماكنتش بعرف أحشي محشي، الإنسان لازم يتعلم من أخطائه ولا زم يتطور، أنا بتعلم وبتطور، وبقيت أعرف أعمل المحشي، إضافة إني أستاذة ورئيسة قسم في عمايل البط بالبرتقال".
