بنك "CIB" يتجاوز فى عمولات السحب من الخارج
استغاث مواطن من البنك التجاري الدولي "cib"، بعد تجاوزه فى السحب خارج مصر 20 بدل 10%.
بنك "CIB" يتجاوز فى عمولات السحب من الخارج
وقال صاحب الشكوي ، "كنت نزلت بوست بسبب ان بنك CIB Egypt اخد عموله علي السحب خارج مصر 20% بدل 10% مع اني اتاكدت قبل السفر من جدول العمولات من موظف خدمه العملاء الـ plus ( فرع مول العرب ) الحقيقه ان الموضوع سخيف جدا البنك المحترم بيخلي الموظف يقولي معلش ( و من الاخر ملكش فلوس عندنا)".
وتابع “يبعتولي ايميل يقولي هو مش الموظف كلمك وحل المشكله !!! قولتلهم لا هو كلمني و المشكله متحلتش وصعدو المشكله وبعد انتظار اكتر من اسبوعين انهارده البنك بيخلي مديره الفرع تكلمني تقولي معلش برضو واحنا اتعاملنا مع الموظف اللي غلط !! (انا مالي حصل ايه في الموظف انا عايز حقي) مع ان مديره الفرع نفسها مكنش عندها علم بتغير عموله البنك علي السحب الكاش من خارج مصر ولما حكيتها المشكله بعد رجوعي من السفر اصلا قالتلي اكيد البنك اللي بره هو اللي اخد الفرق يعني مكنتش هي نفسها تعرف بتعديل عمولات السحب وطبعا ده اي كلام لاني كنت ساحب من نفس المكنه بكارت تاني ومخصمش اي نسبة زيادة، انا دلوقتي عايز البنك يرد الفلوس اللي سحبها مني بسبب غلطه موظف مبلغنيش بالتعديل ، أو بسبب غلطه السيستم اللي مبلغش الموظف أصلا عشان يبلغني".
واختتم، "اكتر حاجه مضيقاني في القصه دي ان البنك فعلا مش بيقول انه غلط او انه اسف لا بيجبر الموظفين يعتذرو عن غلطه مش هما السبب فيها ويغيرو كلامهم للاسف بنك بالحجم ده ميعرفش ازاي يقدم خدمه للعملاء ويعترف ان حصل بسببه مشكلة".
