نجم الزمالك الأسبق يحمل مرتضى منصور مسئولية الخروج من كأس مصر
أكد عفت نصار، نجم نادي الزمالك السابق، أن مجلس إدارة القلعة البيضاء تتحمل خروج الفريق من كأس مصر.
نجم الزمالك الأسبق يحمل مرتضى منصور مسئولية الخروج من كأس مصر
وقال نصار فى تصريحاته لبرنامج "فى الملعب وانت سايق" مع الإعلامي إبراهيم فايق، على إذاعة "ميجا إف إم": "مجلس الإدارة برئاسة مرتضى منصور تسبب فى نتائج الفريق الأخيرة والخروج من بطولة كأس مصر خاصة بعد الحديث عن أحمد فتوح وهو كان سببا فى الفوز بالدوري والكأس بالموسم الماضي".
وأضاف: "فتوح كان من نجوم الفريق فى الموسم الماضي وكان يجب الحفاظ عليه بدلا من الخروج والحديث عنه والتسبب فى غيابه عن الفريق مؤخرا فى وقت يحتاجه الفريق".
مرتضى منصور عن لاعبي الزمالك: "متخاذلين وأقسم بالله هيتحاسبوا حساب عسير"
وشن مرتضى منصور، رئيس نادي الزمالك هجوماً عنيفاً على البرتغالي فيريرا المدير الفني للفريق الكروي الأول بالنادي واللاعبين وذلك بعد الهزيمة أمام بيراميدز بركلات الترجيح، في المباراة التي جمعتهما مساء أمس بـ"ستاد القاهرة"، ضمن منافسات الدور نصف النهائي في بطولة كأس مصر.
وقال مرتضى منصور في تصريحات تلفزيونية، "في لاعيبة متخاذلة أقسم بالله هيتحاسبوا حساب عسير، واللي نيم جماهير الزمالك زعلانة سنته سوداء معايا واللي عنده عرض يجيبه".
وأضاف مرتضى منصور، "اللي حصل ده توقعته وقولت لمترجم فيريرا يترجم إن كل لاعب يلعب مكانه، ومفيش لعب في التشكيل ونادي الزمالك بيلعب على بطولات بيلعب بطريقة هجومية ، بعض من جماهير الزمالك انتقدني لما اتكلمت ودلوقتي بيشتموه".
وتابع مرتضى منصور، "فيريرا اتغير كتير عما كان عليه في الموسم الماضي سواء على المستوى الفني أو الشخصي، مبقاش ياخد رأي حد من مساعديه، وده كان رحيل أسامة نبيه، فيريرا زعق لأسامة نبيه وعيب اللي حصل وبسببه هو مشي، مش بياخد برأي حد ولا عايز حد يقف على الخط حتى".
واصل مرتضى منصور تصريحاته قائلاً، "أنا مش هامشيك يا فيريرا بس متخليش الجماهير تكرهك، الفوز على الأهلي السبت المقبل يعني المنافسة على الدوري لسه مستمرة، يا فيريرا اتقي ربنا في موهبتك وتاريخك، ولا تعاند نفسك، حققنا بطولات وخسرنا بطولات والزمالك باقٍ وجماهيره العظيمة تقف خلفه، وأطالب اللاعبين بأن يصالحوا جماهيرهم ويظهروا للجماهير بأنهم رجال على قدر المسؤولية".
أضاف مرتضى منصور: "محدش بيباصي لسامسون اللي جايب 28 جول، ومحمد عبدالشافي كان أقوى لاعب في الملعب، وعمرو السيسي بيتوظف غلط في الملعب، والله العظيم التدريب مش كيميا، كل واحد يلعب مكانه، شلة الأجانب وشلة الغلابة وشلة المعلمين.. مش هسكت علي الشللية اللي شامم ريحتها وهفككها قريبا، فريق الزمالك كله بيقبض ماعدا أنا وأمير والجمهور العظيم، وبقول للمدرب تاني، خد رأي المساعدين، دول نجوم مش خدامين، واللاعب اللي عنده عرض يجيبه ويمشي".
وشدد مرتضى منصور في نهاية حديثه: "شفتوا حسين لبيب ولجنته السبب في رحيل باتشيكو عن تدريب الزمالك، اللي عمل ماتش عالمي وأنا كنت جايبه يدرب الفريق، مش أنا اللي بنزل ألعب، ومحدش هيقدر يمشيني انسى، أنا وأحمد وأمير متطوعين وبندفع من جيوبنا".
