"خليكوا في ضهر ناديكم".. "زيزو" يوجه رسالة لجماهير الزمالك بعد وداع الكأس
وجه أحمد سيد زيزو لاعب الفريق الأول لكرة القدم بنادي الزمالك، رسالة الي جماهير الزمالك بعد خسارة الفريق التأهل الي نهائي كأس مصرأمام بيراميدز، في المباراة التي جمعتهما أمس الأثنين علي أرضية ملعب استاد القاهرة الدولي، حيث فاز بيراميدز بنتيجة 4-3 بركلات الترجيح، بعدما انتهى الوقت الأصلي والإضافي بالتعادل الإيجابي بهدف لمثله.
"خليكوا في ضهر ناديكم".. "زيزو" يوجه رسالة لجماهير الزمالك بعد وداع الكأس
وكتب أحمد سيد زيزو عبر حسابه الرسمي علي موقع التواصل الاجتماعي "إنستجرام": "اولاً الحمد لله و قدر الله ما شاء فعل ، زي ما بتبقي مبسوط بالدعم، و الحب و المساندة، لازم كمان تتقبل الوجه الاخر السئ ، وهي دي ضريبة الحياة و المسؤليه ، تقدر تخليك ف يوم احسن واحد فالدنيا و تقدر تخلي الناس تنسي كل حاجه انت ممكن تكون عملتها".
وتابع : "عشان كده واجب عليا فالمواقف والظروف دي اني اعتذر، عمري ما عرفت أهرب ولا استخبي من اي حاجه ، ولا عمري هعمل كده ، تقبل او ترفض دا من حقك، لكن كان واجب عليا تقديم الاعتذار زي ما دايماً بقدم الشكر علي الحب ، قادر اتحمل المسؤولية كاملة، و قادر كمان اعديها ، لكن خليكوا في ضهر ناديكم و لاعبيكم لان في المواقف الصعبه بتبان فعلا معادن الرجال ، شكرا".
مرتضى منصور عن لاعبي الزمالك: "متخاذلين وأقسم بالله هيتحاسبوا حساب عسير"
شن مرتضى منصور، رئيس نادي الزمالك هجوماً عنيفاً على البرتغالي فيريرا المدير الفني للفريق الكروي الأول بالنادي واللاعبين وذلك بعد الهزيمة أمام بيراميدز بركلات الترجيح، في المباراة التي جمعتهما مساء أمس بـ"ستاد القاهرة"، ضمن منافسات الدور نصف النهائي في بطولة كأس مصر.
وقال مرتضى منصور في تصريحات تلفزيونية، "في لاعيبة متخاذلة أقسم بالله هيتحاسبوا حساب عسير، واللي نيم جماهير الزمالك زعلانة سنته سوداء معايا واللي عنده عرض يجيبه".
وأضاف مرتضى منصور، "اللي حصل ده توقعته وقولت لمترجم فيريرا يترجم إن كل لاعب يلعب مكانه، ومفيش لعب في التشكيل ونادي الزمالك بيلعب على بطولات بيلعب بطريقة هجومية ، بعض من جماهير الزمالك انتقدني لما اتكلمت ودلوقتي بيشتموه".
وتابع مرتضى منصور، "فيريرا اتغير كتير عما كان عليه في الموسم الماضي سواء على المستوى الفني أو الشخصي، مبقاش ياخد رأي حد من مساعديه، وده كان رحيل أسامة نبيه، فيريرا زعق لأسامة نبيه وعيب اللي حصل وبسببه هو مشي، مش بياخد برأي حد ولا عايز حد يقف على الخط حتى".
واصل مرتضى منصور تصريحاته قائلاً، "أنا مش هامشيك يا فيريرا بس متخليش الجماهير تكرهك، الفوز على الأهلي السبت المقبل يعني المنافسة على الدوري لسه مستمرة، يا فيريرا اتقي ربنا في موهبتك وتاريخك، ولا تعاند نفسك، حققنا بطولات وخسرنا بطولات والزمالك باقٍ وجماهيره العظيمة تقف خلفه، وأطالب اللاعبين بأن يصالحوا جماهيرهم ويظهروا للجماهير بأنهم رجال على قدر المسؤولية".
أضاف مرتضى منصور: "محدش بيباصي لسامسون اللي جايب 28 جول، ومحمد عبدالشافي كان أقوى لاعب في الملعب، وعمرو السيسي بيتوظف غلط في الملعب، والله العظيم التدريب مش كيميا، كل واحد يلعب مكانه، شلة الأجانب وشلة الغلابة وشلة المعلمين.. مش هسكت علي الشللية اللي شامم ريحتها وهفككها قريبا، فريق الزمالك كله بيقبض ماعدا أنا وأمير والجمهور العظيم، وبقول للمدرب تاني، خد رأي المساعدين، دول نجوم مش خدامين، واللاعب اللي عنده عرض يجيبه ويمشي".
وشدد مرتضى منصور في نهاية حديثه: "شفتوا حسين لبيب ولجنته السبب في رحيل باتشيكو عن تدريب الزمالك، اللي عمل ماتش عالمي وأنا كنت جايبه يدرب الفريق، مش أنا اللي بنزل ألعب، ومحدش هيقدر يمشيني انسى، أنا وأحمد وأمير متطوعين وبندفع من جيوبنا".
