مى الغيطى: "بحس إنى دمى تقيل ومعنديش موهبة"
الثلاثاء 10/يناير/2023 - 03:39 م
كشفت الفنانة مي الغيطي كواليس تجربتها الكوميدية الأولى من خلال فيلم "مهمة في سهل حشيش" مع النجمة ليلى علوي.
مى الغيطى: "بحس إنى دمى تقيل ومعنديش موهبة"
وعبرت مي الغيطي في تصريحات لبرنامج "The Insider بالعربي" عن إعجابها بقدرة ليلى علوي على التألق باستمرار وأن تكون مصدر لإلهام المحيطين بها.
وأضافت عن تجربتها الكوميدية الأولى: "بحس أن دمي تقيل جدا، ولما تكون محاط بأكبر ناس من الكوميديا في الوسط، ده شيء بيخلي الدنيا خفيفة".
وتابعت مي الغيطي: " الشخصية بتعيش قصة حب مع حمدي الميرغني وكل حاجة بتحصل في إطار كوميدي وبيكون في مواقف كوميدية، إزاي حمدي يوصل لها وبيكون في صدامات مضحكة".
أكدت مي الغيطي أنها تحب الأعمال السينمائية بشكل أكبر من المسلسلات التليفزيونية، موضحة: "الأفلام هي كل حاجة والأساس واللي بتفضل عايشة طول الوقت، فأتمنى أفضل أعمل سينما أكتر من المسلسلات".
