الرئيس السيسي للمواطنين: "بطلوا هري بقى والظروف مش مستحملة"
تحدث الرئيس عبدالفتاح السيسي، اليوم الأثنين عن استمرار تداعيات الأزمة الاقتصادية العالمية، والتي ألقت بظلالها على الأوضاع الداخلية في مصر.
الرئيس السيسي للمواطنين: "بطلوا هري بقى والظروف مش مستحملة"
وقال الرئيس السيسي خلال فعاليات المؤتمر الأول للتحالف الوطني للعمل الأهلى التنموي، اليوم الاثنين: "في 2023، الظروف صعبة جدا، وده مش معناه إن الحكومة مش هتقوم بدورها، شايف الناس لما تتكلم كلام مش متنظم ولا مترتب، مش بيخوفوا بعض، اسمعوا مننا، مش عشان أصدق من غيرنا، لكن عشان عندنا بيانات، أي اجتهاد من آخرين مش مكروه، بس يمكن يعمل بلبلة ويزعج الناس، أكثر من ضغط الظروف، طب لو خوفنا الناس، النتيجة إيه؟".
وأضاف الرئيس: "هو إحنا منقدرش كدولة وشعب نصمد أمام أي تحدي، يعني لو مصر ظروفها صعبة هتتخلي عنها، بكلم كل اللي بيسمعني، هو احنا دخلنا حروب ضيعنا فيها أموال مصر، دخلنا مغامرات ضعينا فيها أموال مصر؟.. الحرب دي مش بتاعتنا، الموقف اللي حصل سواء كورونا أو أزمة روسيا، مصر معملتوش، مصر بتدفع الثمن زي أي دولة، هقول التعبير الجميل اللي ممكن متنساهوش، بطلوا هري، بطلوا هري بقى".
