صاحب مزرعة دواجن لـ "عمرو أديب": احنا داخلين على أيام سودة

حالة من الشد والجذب شهدتها مداخلة هاتفية بين الإعلامى عمرو أديب فى برنامج " الحكاية"  وبين المهندس وائل الدربي ، صاحب مزرعة دواجن.

قال المهندس وائل الدربي ، صاحب مزرعة دواجن ،" احنا اتخرب بيتنا وأسعار الأعلاف زادت عن الفترة قبل ما رئيس الوزراء يروح الميناء.. والمستوردين السبب"، ليرد عليه عمرو أديب " الدولة أفرجت عن دولار وجابت دولار من تحت الأرض وأفرجت عن أعلاف.. ليه الأسعار سعرها زادت ".

وتابع صاحب المزرعة ،" قالوا الأعلاف أفرجوا عنها واحنا ماشوفناش حاجة من الكلام ده .. المستوردين بيقولولنا مافيش افراجات الدولة بتضحك عليكم"، متابعا " لو العلف رخص قدامنا 40 يوم عقبال ما أنتج.. احنا داخلين على أيام سودة".

وقال صاحب مزرعة الدواجن ،" وزارة الزراعة والتموين سايبه المستوردين الحرامية الكبار ورايحة لمصنع العلف.. محدش بقا ياخد علف".
 

وتابع صاحب مزرعة الدواجن ،" معناه ايه لما رئيس الوزراء يقعد مع المنتجين مرة واتنين وتلاتة ويطلعوا يغلوا الأسعار ألفين جنيه".