"ما تبصوش لحياة حد من برة".. ياسمين علي تكشف تفاصيل حريق شقتها

كشفت الفنانة ياسمين علي، عن حدوث ماس كهربائي في شقتها، مشيرة إلى أنها بصحة جيدة.

"ما تبصوش لحياة حد من برة".. ياسمين علي تكشف تفاصيل حريق شقتها

وكتبت ياسمين علي عبر صفحتها على موقع التواصل الاجتماعي فيسبوك قائلة:" مابحبش الطاقة السلبية والله بس اعمل ايه طيب..هاحكيلكم حاجة صغننة إمبارح الساعه 2 بليل من العادة ببقي قاعدة مع بابا وماما ويحيي  بنتفرج عالتليفزيون قمت عشان أروح أوضتي انام".

وتابعت :"دخلت الاوضه قعدت دقيقه شامه ريحة بلاستيك محروق ومش فاهمه الريحه جايه من فين فجأة بدون مقدمات وربنا عالم باللي حاقوله (لقيت السقف علي وسعه مولع نار كله بمعني الكلمه وفجأة النار اتشفطت وبقت مختصرة فالشكل اللي انتوا شايفينه ده وقفلنا الكهرباء ورشينا ميه ) كل ده في لحظات".

واضافت :"اتاري الجار من فوق في مية بتنزل من عنده عالسقف عندنا فعملت ماس فالكهرباء وحصلت النار اللي شوفتها دي لو ماكنتش دخلت الاوضه ف التوقيت اللي روحت فيه الله اعلم كان حصل ايه".

وأشارت ياسمين علي"وقبلها بكام يوم كنا لسه عاملين حادثه بالعربية مع عربية نقل كبيرة فما تنخدعوش بالضحك اللي بضحكه.. كل واحد له فيلم عايشه ..احمدوا ربنا علي كل لحظة امان انتوا عايشينها بدون ترويع وعدم ستر وماتبصوش لحياة حد ابداً من بره".