شكاوي متواصلة من شركة أورانج بسبب سوء خدمة العملاء
تواصل شركة أورانج إثارة غضب المواطنين بعد الشكاوي المتكررة من الشركة وخدمة عملائها.
وقال أحد المواطنين مستعرضاً مشكلته، شركة أورانج الغير محترمة من يومين بالظبط اتبعتلي رسايل كتير بتجديد الباقه النت ب 200. 3 مرات ورا بعض والباقه النت ب 120 3 مرات ورا بعض وبتتحول لرقم اورانج غريب انا معرفهوش ولما كلمت خدمه العملاء اثناء اللي بيحصل ده قالولي فعلا ده حصل مش من علي الخط بتاعك وده خطأ في السيستم وانه خلاص ساعات الموضوع هيتحل وتم عمل شكوي بذلك وتاني يوم بقي الموضوع اتغير وقالولي احنا ملنهاش دعوة وأنت هتحاسب علي الباقات دي وعملت اكثر من شكوي وروحت الفرع وبرده لاحياه لمن تنادي ودلوقتي كل لما اكلهم بيقفولوا السكه في وشي فين المسئولين عن هذا العشوائية.
وجاءت شكوي أخري ،" Orange شركة مقرفة و استهتار و اهمال رهيب في التعامل مع العملاء سواء من خلال خدمة العملاء او من خلال الفروع هبدأ ادور على ايه انسب شركة انترنت ارضي تانية انقل لها الخدمة فلو حد عنده اقتراحات يقول لان بنسبة كبيرة دة هيكون اخر شهر مع اسوأ شركة انترنت في مصر.
وكان أحد المواطنين قد عرض منذ يومين مشكلة له مع شركة أورانج قائلا " رحت الفرع انا و شخص تاني عشان انقل ملكيه الخط باسمي ا/ دينا الموظفه خلصت الإجراءات و طلبت مني مبلغ 90 ج و ان دي تكلفه نقل ملكيه الخط، دفعت الفلوس و قالتلي ان الشركه نزلتلك خط هديه ع بطاقتك ولازم تسلمه.. بعد جدال شويه واني مش عاوز خطوط تاني من الشركه قالتلي خده و اديه لاي حد .. شرحتلها ان دي مسؤليه عليا قالتلي اختار شخص موثوق! زميلها قالها خلاص سيبيه لما لاقي اني مصمم مستلمش الهديه عد حد قولها. .مشيت و بعدها بساعه لاقتها بتتصل عاوزه صور البطاقه ! اللي هي كانت ف ايدها و صورتها ف الفرع .. مش مشكله بعتلها صور البطاقه و قمت متصل بخدمة العملاء افهم ايه اللي بيحصل لانها موضحتش غير انها عاوزه اصل البطاقه و كل اللي جه ف دماغني انها هتسجل خط تاني باسمي بدون علمي.. نص ساعة ع التليفون عشان حد يجاوب ع كام هي تكلفه نقل الملكيه و اذا كانت سجلت خطوط تاني باسمي ولا لاء.
وتابع "بعد نص ساعه ممثله خدمه العملاء قالت ان التكلفه 3 ج فقط و سجلت شكوي لاسترداد المبلغ و مينفعش تقولي كام خط متسجل باسمي لازم الفرع و فجاه قالتلي ف تحديث ف البيانات فا يا تقفل يا احول المكالمه..جالي النهارده تليفون من ا/ معتز بيقولي ان ده خطأ نتيجه ضغط الشغل و اتوجه للفرع استلم الفلوس طلبت من الموظف اني أكلمه ف وقت تاني لاني كنت نايم .. رفض و قالي انا بلغتك بحل المشكه وهققل الشكوي ع كده، ومكنش في اي نوع من انواع الضغط نهائي حرفيا كنا لوحدنا ف الفرع و ادينا الموظفه كل الحريه ف انها تقوم بشغلها.. مطلوب مني ك عميل اتحمل الخطأ ع حد قوله و اسيب اللي ورايا و اتوجه لنفس الفرع لاسترداد المبلغ و مفيش اي حل تاني مع ان 3 ج ل 90 ج مش قريبين من بعض عشان يلخبطوا موظف اورانج!مش مصدق والله ان ده مستوي ناس شغالين ف شركه المفروض انها محترمة".
