نشوى مصطفى عن حوار حرم الرئيس: "شبهنا وقلبها منور"

علقت الفنانة نشوي مصطفي على لقاء السيدة انتصار السيسي، حرم الرئيس عبد الفتاح السيسي، مع الإعلامية إسعاد يونس على قناة dmc،  إنه حوار اتسم بالرقى.

وكتبت الفنانة نشوي مصطفى على صفحتها على الفيس بوك : " مفيش أبسط من كده راقية ومتربية وطيبة وشبهنا  قلبها منور والنور ظاهر فى ملامحها الهادية ست بيت مصرية زي كل ستات مصر  واللى فرحنى انها كانت مابتعرفش تطبخ اول مااتجوزت  زي معظمنا.. وانها كانت بتقعد فى البلكونة مع اخواتها وكانت بتأزأز لب وهى بتسمع أم كلثوم، انها بتحب صوت الاذان بصوت مولانا الامام الحصرى، ماحستش انها زوجة رئيس جمهورية مفيش تعالى مفيش تعامل بفوقية، حسيت انها صاحبتى اللي كانت معايا فى المدرسة او زميلتى فى الجامعة او جارتى، بنت بلد  متربية فى مصر الحقيقية  حوارينا وشوارعنا القديمة الاصيلة:".

واختتمت نشوي كلامها: " لما شفنا صورة والدتها وصورة والدة سيادة الرئيس  لقينا فيهم ملامح امهاتنا البسيطة، اهم الملاحظات بقى انها مااتكلمتش عن نفسها كتير كل كلامها على الزوج الشريك  والحبيب عن همه ان بلده تكون الاهم والافضل، بنحبك وبنحب حبيبك".