بسبب شعرها.. دكتورة بجامعة الإسكندرية تعتدي على فتاة بالضرب فى الميكروباص
تعرضت فتاة للضرب على يد دكتورة جامعية بموقف السادات بسبب خناقة حول تساقط شعر الفتاة على طعام الدكتورة ووالدتها.
بسبب شعرها.. دكتورة بجامعة الإسكندرية تعتدي على فتاة بالضرب فى الميكروباص
وقالت الفتاة في منشور لها عبر موقع "فيس بوك"، "الدكتورة اسماء جلال ماده عبري في جامعه الاسكندريه اعتدت عليا بالضرب وأمها ست كبيره وشتموني الكلام دا حصل في موقف مدينه السادات، وأنا راجعه من جامعتي ركبت و هي كانت فالكرسي الي ورايا هي ومامتها وكانوا بياكلوا، أانا قدامهم بلم شعري راحت هي ومامتها زقوني في ضهري وقالولي احنا بناكل شعرك دخل فالاكل فا قولتلها معلش انا بلمه اصلا اهو ، قالتلي يعني ايه معلش و بتلميه ماهو جاه فالاكل خلاص قولتلها طب اعمل ايه اكتر من اني المه ؟".
وأضافت، "مامتها قالتلي انتي بتكلميها كدا ليه انتي متعرفيش هي مين دي دكتوره فالجامعه علي فكره قولتلها أهلا وسهلا انا مش بتعرف عليها انا مجتش جمبكم انا معملتش حاجه فا مامتها ردت قالتلها بعد ما الاتنين قعدوا يردحولي شويه تحت شعار (انتي متعرفيش احنا مين ولا عيلتنا مين) باني قليله الادب وأمي و ابويا مربونيش فانا قولتلها وانتوا مش محترمين لما تعملوا كل دا وانا مجتش جنبكم ومسكت تليفوني وبصيت قدامي".
وتابعت، "لقيت الدكتوره الي معرفش ازاي دكتوره فالجامعه بتخنقني من رقبتي من ورا لحد ما نفسي كان بيتقطع والناس كلها موجوده ومحدش كان قادر عليها ولا قادر يشيل ايديها من رقبتي لحد ما السواق شدها ونزلها والركاب شدوني من ايديها بعدما سلسلتي الدهب اتقطعت وقولتلها انا هروح اعمل محضر بكل دا قالتلي اعملي الي تعمليه كدا كدا انا دكتوره فالجامعه اتصلت بالنجده وجات والسواق كان عايز يمشيها بس انا فضلت واقفه لحد ما امين شرطه جاه و قالولي اروح اعمل محضر وهي هتروح القسم ورايا وهتعمل محضر هي كمان واول ما مشيت طبعا ركبوها ومشوها عادي ولا اكنها عملت حاجه، طبعا انا حررت محضر وتقرير طبي بعد معاناه فالقسم لاني مكنتش اعرف هي مين غير انها دكتوره فالجامعه ومعايا الصور والفيديو الي صورتهم لها".
