مواطنون يستغيثون من بنك مصر ويحذرون من التعامل معه
حذر عدد من المواطنين من التعامل مع بنك مصر ، مستعرضين مشكلتهم وسوء خدمة بنك مصر التى أوقعتهم فى مشاكل كثيرة.
مواطنون يستغيثون من بنك مصر ويحذرون من التعامل معه
وقالت إحدى المتضررات ، "عايزة احذر الناس اللي ليها معاملات مع بنك مصر من عدم التعامل معاهم أنا مرتبي مع الاسف علي بنك مصر وده مش اختياري انا مجبره الوزارة هي اللي عامله فينا كدة اتهورت وعملت فيزا مشتريات علي بنك مصر بضمان مرتبي وعملت بيها معامله علي جوميا بقيمه 4750 وتم التقسيط علي الموقع علي 12 شهر الكلام ده كان بتاريخ 7/11/2022 وللاسف البنك الغير مسئول اللي علي طول السيستم عنده في تحديث خصم مرتبي أكثر من مبلغ بأجمالي 4600".
وتابعت عن مشكلتها مع بنك مصر،" قدمت شكوي برقم 1-2828413767 بتاريخ 27/11 وتم افادتي بأن مدة الرد علي الشكوي هي اربع ايام عمل وحتي الان لم يتم الرد علي وتم افادتي أيضا بأن كارت الائتمان لا يوجد عليه مديونيه ونأسف قد تم الخصم بالخطأ وهو خطأ البنك يتحمله العميل اللي مالوش اي ذنب غير أنه مجبر علي أنه مرتبه يكون علي بنك غير مسئول حبيت بس احذر اي حد يفكر يعمل شهادات او اي تعامل مع بنك مصر".
وعرضت سيدة أخري مشكلتها مع بنك مصر قائلة،" تجربة سيئة في التعامل مع بنك مصر في شهر 6 /2022 البنك عامل عرض (كاش باك 10% لما تستخدم الفيزا وتحجز من موقع booking ) وبالفعل تم استخدام الفيزا في شهر 7 ولم يتم استرداد الكاش باك الي الآن.
وتابعت ،" كلمت خدمة العملاء اكتر من 50مرة وعملت اكتر من 5 شكاوي وعملت شكوي في البنك المركزي وعملت شكوي كتابية في البنك وفي البنك فرع ابن سندر قالي ماليش دعوة بتعامل الفيزا لأنها ادارة مختصة ومن جوه البنك كلمولي خدمة العملاء اللي انا مكلمها 50 مرة وبردو بدون حل وطلبت اتواصل مع حد مسؤول في البنك او في الإدارة وبردو مفيش رد تابعت اكتر من 40 إيميل وبردو دون جدوى ".
