الفنانة شذى تعلن إصابتها بفيروس كورونا

أعلنت الفنانة شذى عبر صفحتها على موقع التواصل الاجتماعى “فيسبوك”، عن تعرضها إلى الإصابة بفيروس كورونا المستجد أثناء تواجدها فى أمريكا.

وكتبت شذى: “أيوه بقا يا زوزو ياللي في أمريكا وبتتفسحي وعايشة حياتك.. أحب أقول لكل أحبائي إني positive corona، الحمد لله.. قليل البخت يلاقي العضم في الكرشة”.

وكانت شذى تعرضت إلى أزمة صحية منذ فترة قصيرة دخلت على أثرها المستشفى، وهو ما أعلنته عبر فيس بوك، وكتبت شذى: “الحمد لله إمبارح كان يوم صعب أوي، أول مرة أحس بوجع كده في راسي، كان دايما يجيلي صداع و يروح  بس امبارح حقيقي أول مرة يفضل صداع وخبط أكتر من نص يوم، ولا مسكن كان بيمشيه ولا حاجة، ولحد دلوقتي لسه في خبط في راسي”.

وتابعت شذى: “أنا بكتب الكلام ده علشان محدش يكبر دماغه ويقول شويه صداع وهيروحوا، لأن أنا لولا زن الست اللي بتشتغل معايا الحمد لله كانت موجودة معايا في البيت، ولولا جدعنتك واهتمامك إني أروح المستشفى ونزول أخويا الصغير الجدع اللي نزلي الفجر علشان يوديني الله أعلم كان إيه اللي حصل، لأني لما وصلت الدكاترة قالوا إن الضغط عالي جدا وإن ده مش صح، ودخلوني وعلقولي محلول والحمد لله بقيت أحسن وخرجوني الحمد لله، من الآخر متستهونوش لأني لولا إنهم نزلوني مجبرة كنت دخلت نمت والله أعلم كان إيه هيحصل”.

في وقت سابق، طرحت المطربة شذى أحدث أغنيتها "مخ تخين"، وذلك على صفحتها الرسمية بموقع الفيديوهات الشهير يوتيوب، تعد أغنية "مخ تخين" لشذى من كلمات محمد مصطفى ملك، ومن ألحان مدين ومن توزيع أحمد عادل.