نادين نسيب عن تداول مقطع فيديو لها تحتضن فيه شخصًا: خطيبي وأنا امرأة مطلقة
علقت الفنانة نادين نسيب نجيم على مقطع فيديو انتشر لها في أحد الأماكن وظهرت فيه تحتضن شخصا غير معروف.
ونشرت نادين نسيب نجيم الفيديو عبر صفحتها على موقع تبادل الصور والفيديوهات "إنستجرام" قائلة:" يلي عم حاول يستهبل ويصور على أساس عم يزعجني بدي قول شغلة لكل حدا عم ينشر الفيديو هيدا خطيبي وأنا حرة بحياتي وما حدا خصه ومن هلا بقلكم لعبوا غيرها وجربوا حظكم مرة أخرى، يا عيب الشوم عليكم ما بتحترموا خصوصية الناس هدفكم بس النشر وجلب اللايكات والتعليقات على حساب الناس".
تابعت :" كلكن هدفكم عدد اللايكات على حساب حياة الناس وكرامات الناس ! صرنا بزمن ما حدا بيحترم حياة الناس الخاصة وحتى لو كنت مشهورة متل ما بتقولوا بس هل الشي ما بيعني إنكم تستغلوني لنية بشعة".
وأضافت نادين نسيب نجيم : "وبعدكم مفكرين أنه بهل الطريقة بخسر ولادي! وبتتمنولي اخسرن تفه على تربيتكم وما حدا بهل الدني بفرقني عن ولادي لأنه بالقانون وبرا القانون أنا امرأة مطلقة حرة وبحقلي عيش وحب واتزوج خلصنا بقا منكم! عيب عليكم".
