سهير جودة: فكرة النجاح عند الرجل محسومة لكن فيها لبس عند الستات
قالت الإعلامية سهير جودة، إن فكرة النجاح عند الرجل واضحة وليس بها أي تشكيك، لكن فكرة نجاح المرأة بها تشكيك أو تقليل، وذلك لتقصيرها في مناطق أخرى أو انها لم تحقق النجاح في مكان اخر، لذلك تكون التقيمات غير دقيقة وبلا إنسانية.
في حالة من العدالة في الفرص والحقوق
وأضافت سهير في تصريحات تليفزيونية، قائلة: الافكار التقدمية بتشوف ان نجاح الانسان سواء راجل او ست، ان هو يأخذ حقه، في حالة من العدالة في الفرص والحقوق، وميتبصش عليها من ناحية راجل وست، لكن كل واحد بيشوف نجاحه من زاوية مختلفة، وهنا الثقافة بتفرض نفسها والمجتمع بيفرض نفسه.
وتابعت: الست بتحاول تشوف انها نجحت بعد ما اختارت انها تكون ام، بتطبخ كويس وبتربي كويس بدون ما تحتاج لشكر من الرجل، ولا شكر من المجتمع، ولو الست بتقوم بالعمل ده عشان اللي حوليها يشوفوا هي بتتعب قد ايه مش هتحس بكيانها، لكن لو بتعمله بحب ومش عايزه شكر تبقى ست ناجحة وافضل من الاخرى لانها مجبورة.
وأوضحت سهير جودة أنه لا توجد مقاييس للنجاح، ودائما تكون الست مهدور نجاحها بسبب وضعها في انتقادات دائمة سواء نجحت في دورها داخل المنزل، او اختارت ان يكون نجاحها في الخارج من خلال العمل في احدى المجالات المختلفة، ودائما ما يتم اتهامها بالتقصير.
ووجت سهير تحية تقدير واحترام للست التي تقوم بتأدية الدور التي تكون مقتنعة به، قائلة: فكرة تقييم النجاح من المجتمع خاطئة لأن المجتمع ملوش كتالوج، والثقافات مختلفة من مكان لاخر.
