أحمد موسى: في ناس مش عايزة بلدنا تبقى كبيرة ودول مش مصريين
قال الإعلامي أحمد موسى، إن جماعة الإخوان الإرهابية زعمت أن الرئيس الأمريكي جو بايدن، لن يأت إلى مصر ولن يشارك في قمة المناخ، مضيفا: الهذيان وصل إلى الإخوان وقالوا أن الرئيس الأمريكي جاي مصر ومش هيقابل الرئيس السيسي.
الإخوان قالوا أن الرئيس الأمريكي مش هيشارك في قمة المناخ
أضاف خلال برنامج على مسئوليتي، المذاع على قناة صدى البلد: والله بتكلم بجد، الإخوان كتبوا كده وقالوا أن الرئيس الأمريكي مش هيشارك في قمة المناخ ولو شارك مش هيقابل الرئيس السيسي، وحضر الرئيس الأمريكي وأكتر واحد شكر في مصر وأكثر واحد أتكلم إيجابي عن مصر.
وعقب على الصورة التي ظهر فيها الرئيس السيسي وهو يبتسم خلال لقائه بالرئيس الأمريكي: الرئيس السيسي وهو بيتكلم قال مش هطول عليكم علشان الرئيس الأمريكي يتكلم براحته فرد عليه الرئيس الأمريكي قال له لاء، أنا مستعد أسمعك، فضحك الرئيس السيسي كما ظهرت الصور.
في ناس مش عايزة بلدها تبقى كبيرة
وتابع أن شبكة سي إن إن قامت بترجمة جزء من اللقاء فقط، قائلا: في ناس مش عايزة بلدها تبقى كبيرة ودول مش مصريين، لأن المصري دائما شايف بلده كبيرة، والرئيس الأمريكي كان بيتكلم بكل قوة عن مصر وقال عليها أم الدنيا وفي ناس مش عايزة الرئيس الأمريكي يتكلم عن مصر كده.
