"الخدمة زبالة".. فضائح شركة أوبر مع العملاء

حذر عدد من المواطنين من سائقى شركة أوبر بسبب نصب سائقي الشركة على العملاء فى أكثر من واقعة .

حيث قال أحد المواطنين مستعرضا مشكلته على السوشيال ميديا " طلبت لوالدي اوبر من المرج لمستشفى نسايم في التجمع..وفوجئت لما روحت المستشفى لوالدي ان السواق بلغ ان والدي مدفعش الحساب كامل..سالته وطبعا قاللي ان السواق اخد حق الرحلة بالكامل وانه نصاب".

وتابع "عملت اكتر من شكوى في اوبر وطبعا محدش رد واكتر من مرة السواقين متعجبهمش الرحلة ييجوا لغاية المكان وينتظروا شوية ويكتبروا العميل غير متواجد بالمكان وندفع فلوس على الفاضي فعلا الخدمة بقيت زبالة".

واستعرض شخص آخر شكوته قائلا ،" تحذير من حركتين جداد بدء اسطوات اوبر ..يشتغلوا بيهم الناس للاسف..انا مستخدم لاوبر من سنين وعمري ما اشتكيت منهم. ..لكن الي حصل امبارح بصراحه مهزله..كنت راجع من المطار .. ورايح ٦ اكتوبر ..طلبت اوبر كالعاده ..والسواق قابلني في موقع B5 في موقف المطار..اولا : طلب مني اكنسل الرحله ..واحاسبه بيني  بينه".

وقال عن مشكلته مع شركة أوبر،" الحركه دي خطيره جدا..انت كده بتتنازل عن حقك لو حصلت اي مشكله او نسيت اي حاجه..ملكش حق تشتكي..وكمان 90 % هيتحسب عليك فلوس الرحله .تدفعهم مع الرحله الي بعدها وهو هياخد اغلب الفلوس دي ..وهو هيحاول يقنعك بالعكس..ثانيا ..هيقولك اصل الفلوس دي محسوبه عن طريق زحمه..وسط البلد ..لو عاوز تطلع طريق تاني.  .اعمل stop علي الاليكشين ..في النص..دي بقي هتضرب تمن الرحله في 2 وهتوصل تلاقي ثمن الرحله الضعف..هو ملزم يمشي من الطريق الي انت تختاره..ولم هتوصل هتلاقي زياده بسيطه..عندي زادت 15 جنيه بس ..خلي بالكم..متخليش حد يضحك عليك".

وكانت سيدة من تعرض ابنتها للنصب من سائق بشركة أوبر أثناء استقلال ابنتها لأوبر خلال ذهابها للجامعة وتحميلها تكاليف أكثر من تكاليف رحلتها.

وقالت السيدة " امبارح حصل مع بنتي نصباية هايلة من سواق Uber:كانت واخدة اوبر من البيت في المهندسين للجامعة في طريق الواحات و لما وصلت الجامعة السواق وراها receipt بقيمة الرحلة و اللي معناها انه انهى الرحلة و لكن اتضح انها في الأغلب screenshot موجودة على موبايلة!!".

وتابعت عن واقعة سائق شركة أوبر "  المهم هي كانت داخلة محاضرة و في قاعة المحاضرات الnetwork وحشة فمجالهاش رسالة ان الرحلة خلصت وهي ما ركزتش..بعدها بساعتين و نص جالها رسالة ان الرحلة بتاعتها خلصت في الشروق!! و ان عليها 349 جنية ما دفعتهمش!!".

وقالت عن واقعة سائق أوبر ،" انا عندي تساؤل بقى؛ هو ايه السبب ان أوبر مطلوقين علينا كدة؟ كل الناس بتشتكي منهم و محدش عارف ياخد حق و لا باطل؟!!".