مشجع يعرض التبرع لكهربا بمليون جنية دعماً له في ازمته ضد الزمالك .. والأخير يرد

نشر اللاعب محمود كهربا اليوم، عبر مواقع التواصل الاجتماعي "إنستجرام" صورة لرسالة المشجع يعرض عليه التبرع بملغ مليون جنيه كجزء من الغرامة المفروضة على اللاعب لصالح الزمالك وقال:" يا كابتن صباح الفل عليك، وجمعة مباركة يارب، ممكن يا كابتن اطلب منك طلب ويارب تقبله مني، ممكن اقف جنب حضرتك في الغرامة واقدم لك مليون جنية هديه من اخوك الصغير، لأني بحبك في الله ونفسي يا كابتن اشوفك ترجع تكسر الدنيا من تاني ،  وتبقي مرتاح البال،  واتمني ترد علي أخوك الصغير،  جمعة مباركة، حبيبي يا كهربا.

ليرد "كهربا" قائلاً: كلامك وحبك ليا بفلوس الدنيا كلها، حبك ودعمك ليا وايمانك بيا وصل من كلامك،  ودعواتك ليا وانا مش محتاج من الدنيا غير كده حبكم ودعمكم ليا.

وكان الزمالك قد حصل على حكم من قبل المحكمة الدولية الرياضية بتغريم كهربا ما يزيد عن مليوني دولار، وإيقافه 6 أشهر لحين السداد، وذلك بسبب رحيله عن الزمالك إلى نادي أفيس البرتغالي وفسخ عقده بطريقة غير قانونية.