سيدة تتهم بنك CIB بتعريض أموال العملاء للسرقة

حذرت سيدة تدعى سمر ياسين من سرقة أموال العملاء فى بنك CIB، بعد تعرضها لسرقة أموالها دون تدخل من البنك أو مساعدة.

وقالت صاحبة الشكوي ضد بنك CIB،" بنك CIB لا يحافط على فلوس وبيانات عملاءه أنا اتسرق مني مبلغ 4000 جنيه من غير أدنى تدخل من موظفين CIB لحماية حقوقي كعميلة بتاريخ 08/10/2022

06:45 الكارت بتاعي اتسرقت بياناته   وجاتلي رسالة خصم 399 جنيه عند apple.. كلمت خدمة العملاء في البنك وقلتلهم انا معملتش اي معاملة وان دي سرقة وان كل اجهزتي اندرويد اصلا ومفيش اي جهاز مربوط بapple الموظفة مبتقولش أي حاجة غير ان دي معاملة اونلاين!!.

وتابعت عن شكوتها ضد بنك CIB،"المشكلة ان الموظفة مخدتش أي إجراء والفجر لقيت ١٠ معاملات كلها ورا بعض!! من ٤:٣٠ الى ٤:٣٥
خمس دقائق فقط!! ووصل مجموع السرقة لأربع آلاف جنيه! والبنك خد ال fees بتاعته لتغيير العملة عادي جداً!! كلمت البنك ووقفت الكارت بعد فوات الأوان واللي يضحك بعد ٤ ساعات كاملة من السرقة!! وكان المفروض الموظفة لو عارفة شغلها توقف الكارت من أول ما بلغتهم عن أول معاملة!ودلوقتي انا المفروض استنى 90 يوم عشان اشوف فلوسي هترجعلي ولا لأ!".

وقالت ،"وهل ده عادي خلاص انه يحصل لكل عملاء CIB؟ بجد قمة الفشل بدل ما يتحملوا مسؤوليتهم عن حماية بيانات عملائهم بيقولولي طب انتي استخدمتيه في ألعاب!!

واختتمت شكوتها قائلة،" ياريت كل واحد عنده حساب في  CIB انه ياخد باله ويلحق يحافظ على فلوسه عشان ميحصلوش اللي حصل معايا ده".