عضو الزمالك يهاجم فيريرا: "ما دفعناش ملايين في لاعيبة علشان تقعدهم على الدكة"

شن جمال عبد الحميد عضو مجلس إدارة الزمالك هجوماً عنيفاً على فيريرا المدير الفني للفريق الكروي الأول بالنادي، على الرغم من الفوز الذي تحقق على فلامبو بطل بوروندي بهدف دون مقابل، في المباراة التي جمعتهما مساء أمس بملعب "برج العرب"، في "ذهاب" دور الـ 32 ببطولة دوري أبطال إفريقيا.

عضو الزمالك يهاجم فيريرا: "ما دفعناش ملايين في لاعيبة علشان تقعدهم على الدكة"

وقال جمال عبد الحميد في تصريحات تلفزيونية، "فيريرا خلانا نجيب لاعيبة بملايين ليه طالما بيلعب بالناشئين؟ وكان لازم نكسب بنتيجة كبيرة، أنت اللي طلبت اللاعيبة بالاسم بتغيرهم ليه؟ الموضوع صعب جداً".

وأضاف، "أداء الزمالك أمام فلامبو مش مقنع ولا النتيجة، لو كنت بتلعب خارج أرضك وحققت هذا الفوز كنا هنشيد بيك، لكن أنت هنا فى ملعبك، الادارة جابت لك لاعيبه بالملايين وانت اللى طالبها ومختارها بنفسك، إنما الناشئين اللى أنت دفعت بيهم أنت عارفهم كويس، وكان لازم تكسب اللقاء دا بسكور ودا عتابي لفيريرا".

واصل عضو مجلس إدارة الزمالك هجومه على فيريرا قائلاً، "الحمد لله على الفوز لكن الصفقات الجديدة كان لازم تشارك فى المباراة، وتشارك أطول وقت ممكن لان دى لاعيبه بملايين، الزناري مش جاي يقعد جنبك على الدكة، والمفروض يكون فى أفضل من كده، المجلس مش مقصر معاك فى حاجة، احنا كمجلس كنا عايزين الفرقه تكمل فى الاسكندرية كمعسكر صغير، حتى لقاء الجمعة لكن أنت صممت ترجع القاهرة، وما حدث أمس جرس انذار".