8 مصريين في قائمة فوربس أقل من 30 سنة للشرق الأوسط.. "ثنائي الدحيح" الأبرز
تواجد 8 مصريين في قائمة فوربس لـ 30 شخص أقل من 30 سنة للشرق الأوسط، حيث ضمت القائمة كلاً من، أحمد الغندور ومحمد حسام وهما شاركوا في تأسيس برنامج "الدحيح" في 2014، وفي سبتمبر 2022 البرنامج مشاهداته تخطت 1.5 مليار مشاهدة.
8 مصريين في قائمة فوربس أقل من 30 سنة للشرق الأوسط
وهادية غالب: واحدة من المؤثرين في مجال التسويق وفي أبريل 2022 أطلقت خط إنتاج مايوهات بوركيني بقت بتتباع في 32 دولة.
ودينا مشرف: دينا هى لاعبة تنس طاولة حصدت لقب أفريقيا لـ 7 أعوام متتالية من 2014 لـ 2020. وكسبت ذهبية بطولة أفريقيا لتنس الطولة في سبتمبر 2022 وبقت في المرتبة 29 في التصنيف العالمي لتنس الطاولة.
ونوران جوهر: لاعبة اسكواش تحتل صدارة التصنيف العالمي حاليًا وفازت بـ 8 نهائيات من أصل 12 نهائي في الموسم اللي فات.
إبراهيم محمد: شارك إبراهيم في تأسيس منصة إلكترونية لبيع الأثاث والسلع المنزلية "هومزمارت" سنة 2019 وفي خلال 3 سنين بس قدرت الشركة تجمع تمويلات تزيد عن 40 مليون دولار.
ومحمد الجاويش ومصطفى عبد المنعم: شاركوا في تأسيس منصة iSchool في 2018 اللي بتمكن الأطفال من 6 سنين لـ 18 سنة لتعليم البرمجة ودلوقتي المدرسة دي عندها 9 آلاف خريج من 10 دول مختلفة.
وفاطمة الشناوي: شاركت فاطمة في تأسيس تطبيق خزنة للتكنولوجيا المالية سنة 2020 لسد الفجورة في قطاع الخدمات المالية في مصر.
ومريم هيثم عصمت: اتدربت مريم في معهد علوم تلسكوب الفضاء التابع لوكالة ناسا واشتغلت على تليسكوب جيمس ويب. ودلوقتي هى طالبة دكتوراة في جامعة جونز هوبكنز.
