تامر حسني يدشن مبادرة لمساعدة الأطفال مصابي ضمور العضلات

حرص الفنان تامر حسني على تدشين مبادرة لتشجيع جمهوره لعلاج الأطفال المصابة بضمور العضلات الشوكي، وعلق على صفحته على موقع تبادل الصور والفيديوهات إنستجرام.

تامر حسني يدشن مبادرة لمساعدة الأطفال المصابة بالضمور العضلات

قائلا:"يا جماعة مرض ضمور العضلات منتشر جداً في عصرنا ده ربنا يعافي الجميع تخيلوا لو مليون واحد بس من عدد سكان بلدنا العظيمة لو دفع 30جنيها بس هيساهم في احياء طفلة في لحظة واحدة طفلة بتتعذب كل لحظة هي و اهلها ، امنية حياتي والله العظيم دلوقتي ، يتعمل ابليكيشن تحت رعاية الدولة و تتسمى (( المليون اخ)) و تبقى على تليفونات الناس اللي هتتبرع مليون واحد هتجيلهم رسالة حسب خطورة المرض و نوعه و تكلفته العامة و المطلوب منه و في سيستم يقدر يدخل بنفسه يشوف اسمه و تبرعه راح فين و ان المريض اتعالج خلاص و تجيله رساله شكراً صدقتك احيت نفس بل اسرة كامله .

تابع تامر حسني"انا كفنان جاهز لأي جهه هتتبنى الفكرة دي اني اكون داعم ليها و معلن عنها لو الجهه محتاجه ليا شخصياً او لصوتي ان شالله أنزل ألم التبرعات بنفسي و اخبط على بيت بيت و ده لوجه الله و لخدمة شعبنا و اهالينا المحتاجين.. اللي هيشترك، مره هيدفع 10 جنيه … مره خمسه …. مره 30 اقصى حاجه 40 جنيها لان حقنة علاج المرض دا ب 40 مليونا و دي اغلى حاجه تخيلوا لما ب ٤٠ جنيها بس تنقذ روح بني آدم يعني هتدفع صدقه و هتنقذ روح و انت في بيتك و الصدقه فيها اجر عظيم تحمي نفسك بيها تحمي ولادك و كل اللي بتحبهم و تبقى صدقه جاريه في كل حياة".

واختتم كلامه بقيمة الصدقة التي يتبرع بها قائلا:" قيمة الصدقه عند ربنا كبيره اوي اوي فوق ما تتخيلوا يا جماعة متتخيلوش بتشيل عننا حاجات صعبه قد ايه لو عرفناها هنبكي فرحاً من رحمة ربنا … يارب حد يسمعني و كدا باذن الله مش هيكون في مريض محتاج .. و لو عندنا مشاكل كتير في مجتمعنا آدينا بوحدتنا و بحبنا لبعض بنشيل مشكلة منهم".