الأربعاء 05 أكتوبر 2022 الموافق 09 ربيع الأول 1444
رئيس التحرير
حازم عادل
أخبار

منظم حفل تخرج إعلام القاهرة يكشف حقيقة تعرض الطلاب للنصب

السبت 17/سبتمبر/2022 - 02:23 ص
حفل تخرج دفعة إعلام
حفل تخرج دفعة إعلام 2022

تعرض طلاب كلية الإعلام جامعة القاهرة لعملية نصب من قبل الشركة المنظمة لحفل تخرجهم، ما افسد عليهم اليوم الذي كانوا ينتظرونه منذ سنوات، وتحوله إلى ذكري سيئة لدى هؤلاء الطلاب.

 

منظم حفل تخرج إعلام القاهرة يكشف حقيقة تعرض الطلاب للنصب 

 

من جانبه قدم يوسف عادل أحد منظمي حفل تخرج طلاب كلية إعلام جامعة القاهرة، اعتذارا لجميع زملائه في الدفعة عن سوء التنظيم.

 

وأشار عادل، عبر منشور في المجموعة الخاصة بالدفعة، قبل أى شئ أنا بعتذر للناس كلها بدون استثناء على أى شئ حدث النهارده، ‎أنا متقبل غضبكم كلكم بسبب اللي حصل، بس الناس لازم تفهم أني واحد من الدفعة، كل الفكرة أني كنت ‎وسيط بين الشركة والطلبة، ولما أتعرض عليا عينة من الروب والدرع كانت أجمل ما يكون وحتى رحيل زميلتي جت واستلمت الدرع والروب وكان بالخامات اللي اتفقت عليها.

 
وأوضح يوسف عادل، أن منظم حفلة اللي حصل أنا مش لاقيله مبرر وحتى كنت متفق مع الشركة أسلم الحاجة الخميس يعني أستلمها الأربعاء بالليل وأتقالي حصل شوية مشاكل في المصنع ومقدروش يخلصوا الحاجة، فأنا سلمت الشركة الفلوس من أول يوم أتفقنا حسب الموجود في العقد وهى اللي كانت بتتصرف مش أنا، وأنا مش فاهم هل الشركة أتنصب عليها ولا نصبت علينا ولا حصل غلط منهم ولا ايه بالظبط، بس بالعقل لو أنا هنصب على الناس زى ما بيتقال كنت هاجي وأجيب أهلي الحفلة؟، طب كان صاحب الشركة جه وحجز المكان وعمل كل ده لو كان المفروض أن فيه نصب؟

واضاف: أنا أتشتمت بوالدي، ووالدي الله يرحمه وده شئ مش هين عليا نهائي واللي أتعامل معايا في شغل أنا ماسكه قبل كده عارف أني عمري ما أنصب عالناس ولا حتى أطلع مصلحة من وراهم، وأن كل جنيه يتحط في الحفلة علشان كل حاجة تحصل على أفضل ما يكون وخصوصًا أن ديه برضه حفلة تخرجي زيي زيكم وكانت فرحتي زى ما هى فرحتكم واللي طلعت بأسوء ما يكون، ومش ده اللي كنت أتمناه بس والله أنا عملت كل اللي عليا وسهرت في المطبعة للساعة 7 الصبح علشان أساعد والموضوع أرهقني ذهنيًا وبدنيًا وكنت كل شوية تليفونات وبرد عالناس وفي الأخر ده كله باظ بسبب أشخاص غير مسؤلين ومعملوش شغلهم بالطريقة اللي طلبتها.

 
وتابع: ‎أنا أتعرض عليا أخلي الحفلة يوم السبت ورفضت نهائي علشان الناس اللي كانت جاية من أقاليم والناس اللي هتتعب وحجزت حاجات، ووالله في الأخر أنا حطيت كل مجهودي وتركيزي في الحفلة ديه وأنا زعلان أكتر من أى حد علشان بس مش حفلة تخرجي ده شئ أنا تعبت فيه لمدة شهر كله راح عالفاضي، بتأسف لكل الناس بس أنا لا حرامي ولا نصاب وزيي زيكم وأتفاجئت بكل حاجة زيكم.

 
وفي نهاية حديثه للطلاب، أكد يوسف عادل دي صور الحاجة اللي سلمتها لرحيل وعلي فكرة ولا انا ولا يسرا خدنا جنيه في جيبنا انا طالع من القاعه علي المستشفي والشركة كانت عاوزه تخلي طرفها وتلبسني انا الموضوع لولا العقد اللي كنا كتبينه.


وأعلنت كلية الاعلام جامعة القاهرة، إنها لم تقم بتظيم اي حفل لخريجي دفعة 2021/2022 نهائيا سواء داخل اروقة الكلية او خارجها.

وأشارت الكلية، في بيان لها، الي أن ادارة الكلية لم تحط علما بالحفل الذي أقامه بعض الخريجين خارج نطاق الكلية او الجامعه ودون اي تنسيق مع أى مسئول على أى مستوى ومن ثم فإن الكلية إذ تأسف عما تردد حدوثه فى هذا الحفل من أعمالاو ممارسات لا تليق بصورة الكليه وخريجيها.

 
وتهيب إدارة الكلية بالخريجين فضلا عن توخي الحذر -بإن تكون حفلات تخرجهم تحت مظلة الكلية والجامعةوبالتتسيق المسبق مع مسئولى الكلية، لان هذا ادعي أن يكون احتفالهم لائقا بهم ولتشاركهم الكلية قيادة وأساتذة وجهازها الإدارى سعادتهم بهذه اللحظة الفارقة في حياتهم بعد انتهاء دراستهم، ومع بدء أولى خطوات حياتهم العملية وتتمنى الكلية للجميع التوفيق ولمصرنا دوام الرقي.