الأربعاء 30 نوفمبر 2022 الموافق 06 جمادى الأولى 1444
رئيس التحرير
حازم عادل
سوشيال

"رشقت دبوس في رجله".. سيدة تروي وقائع تحرش تعرضت لها وتنصح السيدات

الجمعة 09/سبتمبر/2022 - 11:15 ص
السيدة
السيدة

تداول رواد موقع التواصل الاجتماعي “فيس بوك” منشور يتضمن وقائع تحرش تعرضت لها سيدة تدعي “زيزي” وترويها على السيدات والبنات موجهة لهم العديد من النصائح.

 

"رشقت دبوس في رجله".. سيدة تروي وقائع تحرش تعرضت لها وتنصح السيدات

 

وكتبت “زيزي”: “أنا مرة رشقت دبوس في رجل واحد اتحرش بيا في المواصلات وخبطت واحد بالشنطة في وشه عورت مناخيره و قلت سوري مخدتش بالي.. المتحرش  عارف أنا عملت كده ليه فسكت مابينطقش .. ومرة بكعب الشوز فركت صوباع رِجل واحد.. وخبطت واحد بكوعي في بطنه و واحد تاني في جنبه كل ده عملته في صمت تام محدش حس بيا”.

 

وتابعت: “بعمل كل دا عشان شوفت في مرة قدامي بنت زعقت لما واحد اتحرش بيها الناس سابت المتحرش و قعدت تشتم فيها هي  و ده اللي بيخلي الضحية تخاف تتكلم فـ زي ما بيعمل كده في الخباثة خدي حقك منه في الخباثة.. و المتحرش بيخاف يتكلم لو لقاكي مش خايفة منه و رافضة اللي بيعمله”.

 

وأضافت: “هاتي حقك بنفسك و لو بعد ألف سنة أنا حصل معايا كمية وقائع تحرش مش طبيعية من وأنا عندي 14 سنة وحاجات تخوف و من ناس كبيرة متجوزين ومخلفين و مش شباب و لا مراهقين حتى وسبحان الله خدت حقي من الناس دي لما كبرت و محكيتش لحد من أهلي عنها حاجة... خدي حقك وعذبيه زي ما عذبك ووصلك انك تقرفي من صنف الرجالة و يكرهك في العلاقة بين اي اتنين ..الاغتصاب مش اخدك بالغصب بس الاغتصاب في كل لمسة أي حد بيخدها منك غصب”.