حسام حسن: "وائل جمعة والحضري مش ولاد الأهلي.. وأنت مين يا رضا علشان تتكلم علينا"

شن حسام حسن، المدير الفني لنادي المصري البورسعيدي، هجوماً عنيفاً على رضا شحاتة، نجم الأهلي السابق، بعد تصريحه الأخير بصعوبة عودة التوأم للنادي الأهلي مرة أخرى من خلال تولي تدريب فريق الكرة.

حسام حسن: "وائل جمعة والحضري مش ولاد الأهلي.. انما احنا نرجع النادي في أي وقت"

وقال حسام حسن في تصريحات تلفزيونية، “النهاردة لما ييجي وائل جمعة يلعب في الأهلي سنتين ولا تلاتة ولا أربعة وييجي أبوتريكة يلعب ست سنين ولا خمس سنين، هو مش ابن النادي الأهلي، وييجي عصام الحضري، يلعب 5 ولا 6 سنين ويقولك أنا ابن الأهلي، هما مش أبناء الأهلي هما أضافوا للأهلي زي ما أنا وإبراهيم روحنا الزمالك لعبنا 4 مواسم وخدنا بطولات أكتر من رموز نادي الزمالك مثل حسن شحاتة وفاروق جعفر وأكبر لاعب في الزمالك ماخدش البطولات اللي خدناها مع النادي في 4 مواسم، ولكن احنا مش ولاد نادي الزمالك ولكن تشرفنا بوجودنا في نادي الزمالك ومبقولش احنا أولاد الزمالك و(اتشعبط فيه) ومبقولش أنا عارف داخليات الزمالك، زي رضا، جاي سنتين ولا تلاتة ولا سنة، ويقولك أصل أنا عارف داخليات الأهلي وحسام وإبراهيم مش هيدخلوا النادي الأهلى! أنت مين يا رضا معلش، مين اللي اداك فرصة للكلام ده”.

وأضاف حسام حسن، “وائل جمعة وتريكة والحضري مش ولاد الأهلي، انما احنا نرجع النادي في أي وقت ده بيتنا ومحدش اداله زينا، أتمنى يتعمل برنامج ييجي حسن حمدي ومحمود الخطيب وصلاح حسني، يقولوا احنا جينا ازاي من سويسرا ومشينا إزاي، مشينا غصب عننا، ولكن ربنا كرمنا وحصلنا مع نادي الزمالك على بطولات”.

الزمالك يتعادل سلبيا مع المصري في الدوري

تعادل الفريق الكروي الأول بنادي الزمالك مع المصري البورسعيدي بدون أهداف في المباراة التي جمعتهما اليوم، بملعب "برج العرب"، ضمن منافسات الجولة الـ33 من عمر مسابقة الدوري العام.

ورفع الزمالك رصيده إلى 77 نقطة في صدارة جدول ترتيب الدوري العام، بينما رفع المصري البورسعيدي رصيده إلى 38 نقطة في المركز التاسع.

وشهد اللقاء طرد طارق علاء لاعب الزمالك في الدقيقة 87 بداعي الخشونة، جاء تشكيل الزمالك كالتالي، حراسة المرمى: محمد عواد، خط الدفاع: محمد عبد الشافي - محمود علاء - محمد طارق - حازم إمام، خط الوسط: عبد الله جمعة - محمد حسام "بيسو" - يوسف إبراهيم "أوباما" - سيف جعفر - يوسف أسامة نبيه، خط الهجوم: عمر السعيد.

في حين جاء تشكيل المصري البورسعيدي كالتالي، حراسة المرمى: عصام ثروت، الدفاع: عمرو موسى - أحمد علاء - إسلام أبو سليمة - عموري - حسن علي، خط الوسط: فريد شوقي - إيزي إيميكا - إلياس الجلاصي - حسن رجب، الهجوم: أوستن أموتو.