مفيدة شيحة: أمي كانت بتصالح أبويا بأغنية "أنا بعشقك"
كشفت الإعلامية مفيدة شيحة، عن قصة الحب بين والدتها والدها، مؤكدة أن قصة الحب بينهما كانت من نوع خاص وفريد ومن زمن الفن الجميل.
وأضافت مفيدة شيحة، في تصريحات تليفزيوينة مساء اليوم الأربعاء، أن أمي لما كان بيزعل منها كانت ينشغل له اغنية انا بعشقك، وتتصل بيه وتشغل له الأغنية يسمعها في التليفون.
وتساءلت مفيدة شيحة، هل في الزمن الحالي ممكن حد يعمل كده، امي ليس لديها وجيلها الغدر والبيع".
وتحدثت الإعلامية مفيدة شيحة، عن الخيانة الزوجية، حملت عنوان" أسامح لأصون بيتي أم لأنني مقتنعة؟"، وخلال الفقرة قالت مفيدة شيحة، إن :"أكبر كارثة ممكن تواجه الست في علاقتها بالرجل اللي بتحبه، إنها تكتشف خيانته ليها، وساعتها بتكون قدام خيارين كلاهما مر؛ إما أنها بتقرر تهد البيت على اللي فيه انتصارا لكرامتها، أو تيجي على نفسها وتعديها علشان تحافظ على بيتها ومتبهدلش عيالها لكن من جواها بتفضل مجروحة".
وأضافت مفيدة شيحة، أن :" في الحالتين محدش بيقدر يلوم على الست لأنها بتتحمل نتيجة اختيارها سواء كان صح أو غلط، لكن اللي ممكن نقف عنده ونستغربه إن الست تقرر تسامح في الخيانة"، متسائلة :" هل هي في اللحظة دي بتسامح عن قناعة فعلا؟، وهل بتكون شايفة نفسها مقصرة أو عندها عيوب دفعت الرجل للخيانة؟".
وتابعت مفيدة شيحة، أن :" هل بتلاقي مبررات للراجل إنها يخونها؟، وهل بتقنع نفسها إنها مجرد نزوة ولحظة ضعف مش هتتكرر؟، وهل بيكون عندها خطة علشان تمنع الراجل من تكرار الخيانة؟".
