إبراهيم سعيد يهدد مرتضى منصور: "عندي فضايح وحكايات ليك ولعيالك"
رد إبراهيم سعيد، نجم الأهلي الأسبق على تصريحات مرتضى منصور، رئيس نادي الزمالك، واصفاً إياه بالشخص غير الأمين.
إبراهيم سعيد يهدد مرتضى منصور: "عندي فضايح وحكايات ليك ولعيالك"
وقال مرتضى منصور في تصريحات تلفزيونية، "يا إبراهيم سعيد أحذرك، إذا نطقت بكلمة واحدة سأحبسك، عندي ليك قضية لو اتكلمت تاني هطلعهالك".
وكتب إبراهيم سعيد عبر صفحته الرسمية بموقع “تويتر”، لو إنت عندك قضيه ليا هاتطلعها يعني إنت غير أمين، وراجل لا تستحق إن الناس تأتمنك علي شغلها، نصيحة لكل الناس محدش لا يأتمن و لا يوكل الراجل ده في أي شغل أحسن فضاح لا يؤتمن، مش كده ولا إيه".
وأضاف إبراهيم سعيد، “وكل شاب له أخطاء و لكن رحمة ربنا تسع كل شئ، وربنا غفور رحيم وأتعلمت من أخطائي، بفضل الله لأنه قابل التوبه هداني وعلي فكرة أنا ممكن برضه أقولك إن ليك عندي فضايح ونصايب وحكايات ليك ولعيالك ولا نسيت عموماً اللي إنت قولته ده مكانه القنوات الشرعية والنيابة لآنك إرتكبت جريمة وهاتتحاسب عليها”.
مرتضى منصور يهاجم إبراهيم سعيد: "جبتك من الشارع وهقعدك في البيت"
وفي وقت سابق، شن مرتضى منصور رئيس نادي الزمالك هجوماً عنيفاً على إبراهيم سعيد نجم الأهلي الأسبق، مطالباً إياه بعدم الحديث عنه مجدداً في وسائل الإعلام.
وقال مرتضى منصور في تصريحات تلفزيونية، “إبراهيم سعيد فجأة افتكر أنه أهلاوي، وبقى حامل لواء الدفاع عن النادي الأهلي ومحمود الخطيب، وأنا بقوله لم نفسك”.
وأضاف مرتضى منصور، “إبراهيم سعيد كان عايز يشتغل في الجهاز الفني للفريق الكروي الأول بنادي الزمالك، وأنا قولتله ابتدي مشوارك معانا في قطاع الناشئين هي دي مشكلته”.
وتابع مرتضى منصور، “إبراهيم سعيد نسي إني جيبته من الشارع وكان هيموت ويدرب الزمالك، وعندي تسجيلات مش عايز أطلعها علشان هيقعد ساعتها في البيت، فى الأول كنت زملكاوى ودلوقتى بقيت أهلاوي ، بقولك يا ابراهيم اهمد لاننا عندنا حاجات أهم منك دلوقتى، ومش فاضيين لك”.
مرتضى منصور يهاجم اتحاد الكرة: أين نجوم الزمالك من أجهزة المنتخبات الوطنية؟
وفي وقت سابق، انتقد مرتضى منصور، رئيس نادي الزمالك، تجاهل اتحاد الكرة لاختيار أبناء الزمالك ضمن الأجهزة الفنية بالمنتخبات الوطنية ، متسائلاً، “أين رموز الزمالك من أجهزة المنتخبات؟”.
وقال مرتضى منصور في تصريحات تلفزيونية، “أين لاعبي الزمالك من الجهاز المعاون لمنتخب مصر سواء الأول أو الأولمبي؟، أحترم كل مدربي مصر ولكن أريد أن أعلم لماذا جميعهم من أبناء الأهلي؟”.
وأضاف مرتضى منصور، “كنت أتمنى أن ينظر اتحاد الكرة لرموز من الزمالك بدلًا من اختيار جميع المدربين المعاونين من الأهلي فقط، وهذا حدث أيضًا في الجهاز الأسبق لمنتخب مصر الأول في ولاية كيروش ويتكرر الآن”.
