إسلام إبراهيم يهاجم والد المطرب النقاش: احنا مش بنخلف العيال علشان نستعبدهم

هاجم الفنان إسلام إبراهيم، والد أحمد سالم، المطرب النقاش وذلك عبر صفحته على موقع التواصل الاجتماعي فيس بوك.

وكتب إسلام إبراهيم :" انا عارف ان الكلام اللي هقوله ده ممكن ميعجبش ناس كتير بس انا شايف الترند ده من زاوية تانية خالص  فكرة انك ربنا يرزقك بشابين زي دول ينطبق عليهم كلمة شباب زي الورد لانهم ربنا كارمهم بالوسامة والموهبة والصوت الحلو وعندهم المؤهلات انهم يكونوا نجوم ومتحاولش تساعدهم انهم يحققوا حلمهم او يعملوا الحاجة اللي بيحبوها وتفرض عليهم قيود ومسؤليات مش بتاعتهم زي ان هما يجهزوا اخواتهم البنات اللي اكبر منهم حضرتك البنات دول انت اللي خلفتهم مش هما ".

وتابع إسلام إبراهيم :" والحياة دي حياتك انت مش حياتهم هما وتفرض عليهم يكونوا نقاشين وده مش تقليلا من مهنة النقاش اكيد هي مهنة محترمة وشريفة لكن اي حد مش موهوب يقدر يشتغلها لكن مش اي حد عنده الموهبة والصوت ده ".

اختتم إسلام إبراهيم :" خلاصة الكلام احنا مش بنخلف العيال عشان نستعبدهم احنا عندنا مفاهيم مغلوطة كتير في فلسفة الجواز والخلفة والتربية وزي ما طاعة الوالدين واجبة واي ابن بيفتح بقه او يعترض على حاجة مش عاجباه بيبقي ابن عاق كمان الولاد امانة هتتسئل عليها قدام ربنا".

وكشف أحمد سالم، نقاش ومطرب، أنه من مركز زفتى محافظة الغربية، وعمره 32 عامًا، ويعمل في النقاشة منذ 10 سنوات تقريبًا، حيث أنه ورث المهنة عن والده.

النقاش المطرب: الغناء هواية وعمل مع رامي جمال قريبًا

أضاف "سالم" خلال مداخلة هاتفية إلى برنامج "مصر تستطيع"، الذي يقدمه الإعلامي أحمد فايق على قناة "dmc"، أن عمل الديكور بالنسبة إليه هو الفن ويتميز به، حيث يغني أثناء عمله، وتداول له فيديو عبر "فيس بوك" وهذا فضل من الله تعالى عليه لأنه يغني منذ 8 سنوات، والفيديو المتداول على اليوتيوب قديم وعلى المنصة من سنة ونصف تقريبًا.

قدم "سالم" الشكر للفنان رامي جمال، على اهتمامه، حيث أنهما يجهزان لعمل مشترك في الفترة المقبلة، مؤكدًا أنه يغني كنوع من الهواية لأنه غير دارس للموسيقى أو المقامات.

كما قدم "النقاش المطرب"، شكره إلى عمرو حسن على تعبه معه، لأنه كان بعد الله تعالى، سببًا في انتشار الفيديو وتداوله على نطاق واسع خلال الفترة الأخيرة.