رسالة من عايدة رياض لأسر ضحايا حادث كنيسة أبو سيفين (خاص)
وجهت الفنانة عايدة رياض، رسالة لأسر ضحايا حادث الحريق الذي اندلع في كنيسة “أبوسيفين”غرب العاصمة القاهرة والذي أسفر عن سقوط العديد من الضحايا والمصابين.
وقالت عايدة رياض في تصريحات خاصة لـ"مصر تايمز"، إنها تقدم واجب العزاء لأسر ضحايا حريق كنيسة أبو سيفين"، واصفه ماحدث ماهو إلا نكبه، مضيفة: “الكل طبعا زعلان وربنا يصبر أسرهم ويرحم كل الضحايا ودلوقت النيابة العامة بتجري كل الأمور ومعاينة ماحدث فمنقدرش نقول غير ربنا يصبر الأهالي".
عايدة رياض ترد على منتقدي مشاركتها في ذبح الأضاحي
أوضحت الفنانة عايدة رياض إحتفالها بعيد الأضحى مع أصدقائها المسلمين وأن الذبح مذكور في الأديان السماوية ولا يوجد فرق بين المصريين.
وكتبت عايدة رياض على موقع تبادل الصور والفيديوهات "إنستجرام " قائلة "أنا مسيحية وبحتفل بعيد الأضحى، أنا مش شايفة أن الموضوع كان مستاهل كل الضجة دي إطلاقًا.. كوني مسيحية وبشارك في الاضاحي وباكل فتة وبنعيش أجواء العيد مع بعض ودي حاجة مش بتقلل مني أول حتى بتثير الجدل بالعكس ده شيئ محمود جدا".
واستمرت عايدة رياض "الذبح عموما موجود في كل الأديان السماوية وموجود في ديانتنا وبنشترك كلنا وبنضحي وبنتجمع كالعادة وخلي اللي يتكلم يتكلم وأنا متعودة على كدا من زمان، وعمر ما حد كان بيسأل على ديانة حد.. الدين لله والوطن للجميع وكلنا في الأخر مصريين إخوات وأهل وصحاب وأحبة ومفيش فرق بينا إطلاقا.. ولما حد كان بيتكلم كلمة مش كويسة عن الإسلام كنت بطلع أرد بنفسي لأننا واحد يا جماعة مفيش فرق بينا".
اختتمت عايدة رياض: نتشارك والوطن اللي بيجمعنا على المحبة والود وطول عمرنا إيد واحدة وهنفضل إيد واحدة ويقول غير كدا دول ناس فاضية وأنا مش عايزة أدخل في جدل مع حد من دول، يا رب دايما متجمعين في الخير ودايما إخوات وأهل وصحاب وجيران وحبايب ودايما إيد واحدة وربنا يخلينا لبعض.
