إيمان السيد وعدم دعوتها للمهرجانات: "مش مضطرة أبرر وأحكي"

نشرت الفنانة إيمان السيد، على موقع التواصل الاجتماعي"فيس بوك"، منشورًا وكتبت معلقه:" أنا حقيقي يكفيني جداً رد الفعل اللي شوفته من الناس طوال رمضان الحمد لله، ومش من مصر فقط بل من كل العالم العربي لدرجة ان في مقالات نقدية".

وتابعت:" كنت بتكسف اشيرها عشان ممكن يكون فيها حاجة تجرح حد من زمايلي"من خارج العمل" وحاجات كتير غير المقالات برضوا كنت مش برضى احتراماً لمشاعر الزملا، الحمدلله شوفت حب كبير جداً وتعليقات على جروبات مصرية وعربية قالت اللي جوايا من سنين فعرفت ان الحمدلله مش مضطرة أبرر وأحكي لان الناس بتفهم جداً".

وأستطردت:"وبرضوا طوال رمضان كنت فاتحة التعليقات لكل الناس اللي مشرفني بوجودهم عندي في قائمة الفولورز وعمري ماشوفت تعليق واحد ضايقني بل بالعكس الحمد لله، هل بعد كرم ربنا دا كله ممكن يضايقني عدم التقدير، سواء في الصناعة أو الجوايز أو دعوات المهرجانات أو حتى مجرد الترشيح في مهرجان الفضائيات".