"تحرش بيها3 مرات وضربها بخاتمه".. التفاصيل الكاملة للتعدي على فتاة بمقهي شهير بالمعادي

نشرت فاطيما شقيقة الفتاة التى تعرضت للتحرش على يد عامل بمقهى شهير فى المعادى “ بيانولا كافيه” ، وفقا لما قالت الفتاة ، صورة جديدة لشقيقتها بعد الإصابة مؤكده إنه تم تحرير محضر بالواقعة.

وقالت "فاطيما" شقيقة "اية" ضحية التي تعرض للتحرش على يد نادل بكافيه شهير بالمعادي أثناء حضورها عيد ميلاد أحد أصدقائها، حيث قام بالتعدي عليها بالضرب محدثًا إصابة خطيرة بعينها: "أختي كانت بتحضر عيدميلاد واحدة صحبتها وكان معاها صحابها وهو خبط فيها كذا مره وحاول يقرب ليها وهي رفضت".

شقيقة ضحية التحرش بكافيه بالمعادي: ضربها بالخاتم الفضة لحد ماعينها جابت دم

وتابعت "فاطيما": "أختي قالتله عيب تخبط فيا بالشكل دا وتلمسني وأنت قاصد خاف يتفضح راح ضربها بالبونيه في وشها ولما حاولت تدافع عن نفسها فضل يضربها بالبونيه وكان لابس خاتم فضة لحد ماعينها جابت دم وفتحلها جفنها خالص".

وأضافت في تصريح خاص لـ"مصر تايمز": "أختي لما دافعت عن نفسها صحابه في الكافيه مسكوها وهو بقي يضرب فيها محدش حاول يحوش وصحابها عشان صغيرين خافوا واتصلوا بأهلهم لما شافوها بتقول انا عيني مش شايفه بيها".

وتعرضت فتاة تبلغ من العمر 15 عاما للتحرش علي يد عامل بكافية شهير أثناء تواجدها مع شقيقتها داخل الكافية وأصدقائها.

وقالت شقيقة الفتاة عبر صفحتها الشخصية مستعرضه الواقعة “ اختي كانت في المكان دا بتحضر عيد ميلاد صاحبتها و الاستاذ المتحرش اللي قدامكم دا اتحرش بيها ولما خدت موقف واتكلمت ابتدا يزعق ويقرب عليها فا ذقته لورا راح ضربها ضرب مبرح بالشلوط والاقلام وطبعا الاصطاف الموجود هناك مش يدخل يحوش انو من الرجوله بنت بتضرب لا الاصطاف المحترم اللي هناك مسكها عشان المتحرش دا يعرف يضربها كويس وطبعا صاحب المكان المحترم لما جيه قالها نصا اطلعي بره ومش هتعرفي تعملي حاجه والمحضر دا ورقه هتترمي واعلي ما عندكم اعملوه”.

وتابعت شقيقة الفتاة ،" طبعا احنا عملنا محضر وتقرير طبي و طالعين بكره علنيابه .. تعديل الشخص المتحرش دا شغال في الكافيه ويتر واختي اللي اعتدي عليها دي 15 سنة".