روبي تتألق فى حفلها بالعلمين الجديدة

أحيت المطربة روبى حفلاً غنائيًا ضمن حفلات الصيف في العلمين الجديدة، وظهرت من خلاله بإطلالة مختلفة، وقدمت من خلاله عددا كبيرا من أغانيها التي تفاعل معها كل الحاضرين ومنها "نمت ننا" وحتة تانية" و"ليه بيدارى" و"قلبى بلاسيتك".

وكانت الفنانة روبي قد تحدثت عن ابنتها طيبة قائلة "بنتى طيبة عندها 7 سنين، وهى فعلا غيرت حياتى لإنها ربتنى، وأنا اللى سميتها بهذا الاسم واسمها كان أول مرة أعمل استخارة لأنى كنت عاوزة أسميها تحية، والناس اتريقت كتير وفكرت فى أسماء تانية وقررت أصلى استخارة".

وأضافت روبى: "بنتى علمتنى أبقى مسئولة أكتر وكمان علمتنى أصون لسانى، لأنها في أوقات كنت بشتم وأنا بكلم صاحبتى ونقعد نشتم سوا فى التليفون فهى بتكون قاعدة فعلمتنى أصون لسانى".

وكشفت الفنانة روبي عن عمرها الحقيقي قائلة عمرها الحالي 40 عاماً ، مازحة جمهورها عن سر رشاقتها وعدم ظهور علامات السن عليها قائلة " اشربوا ماية كتير بتجدد خلايا البشرة".

وحلت النجمة روبي ضيفة في برنامج "معكم" للإعلامية منى الشاذلى، المذاع على قناة Cbc، وتحدثت روبي خلال الحلقة عن طموحها وحياتها قبل التمثيل، قائلة: "طموحى كان في الأول إنى اشتغل موظفة واتجوز، وأسرتنا كلها موظفين ودكاترة ومهندسين".

وتابعت روبي: "جدى كان صعيدى وموظف في وزارة الرى، وكان ليه ثأر المفروض يروح ياخده من الصعيد فكان نفسه يخلف ولد وربنا إداله سبع بنات سبحان الله، والسبع بنات كانوا بـ100 راجل، واتعلمت منهم إنى أكون مسئولة، وأنا بشوف خالاتى ووالدتى كلمة مسئولية قليلة عليهم، وماقدرش أعتمد على حد أنا اتربيت على كدة، ولا أقول لحد عايزة حاجة".