الجمعة 07 أكتوبر 2022 الموافق 11 ربيع الأول 1444
رئيس التحرير
حازم عادل
توك شو

أرملة أسامة أنور عكاشة: كان بيدلعني جدًا فوق ما حد يتصور

الإثنين 08/أغسطس/2022 - 09:36 م
عبير منير
عبير منير

كشفت أرملة السيناريست الراحل، أسامة أنور عكاشة، الفنانة عبير منير، سبب حبها الشديد لزوجها الراحل، وكيف كان يعبر لها عن حبه.

 

أرملة أسامة أنور عكاشة: كان بيدلعني جدًا فوق ما حد يتصور

 

وقالت عبير منير، خلال استضافتها ببرنامج "الستات"، المذاع على قناة النهار للإعلامية مفيدة شيحة ، أنه: "أنا اتجوزته آخر 4 سنين في حياته، كانت تجربة عظيمة، أسامة كان متفرد في كل حاجة، بتتاخد منه الإنسانية، رومانسي وشاعري، وأدالي حاجات كتير جدا، السند، الضهر، الحكمة".


وأضافت: "كان دليلي وموسوعتي في الحياة، كان محترم وعاقل جدًا، راقي أوي في تصرفاته، دايما يقول أنا قلمي عمره ما هيتكسر".

 

وتابعت: "حبيته عشان احترامه ومبادئه، كان راجل بكل الأشكال، وكان بيدلعني جدا فوق ما حد يتصور، في مرة كان بيعمل حوار في الإذاعة في عيد الحب، قالي أنتي سمعتي الحديث، قولتله مركزتش أوي، قولتله عشان كنت عايزه أبوس صوتك".