طرح فيلم “خرجوا ولم يعودوا” في السينمات قريبا

أعلنت الشركة المنتجة لفيلم "خرجوا ولم يعودوا" للمخرج "حسن السيد" أنه جاري حالياً الاستعداد لطرح الفيلم بجميع دور العرض السينمائي.

الفيلم من بطولة ويزو، حسني شتا،خالد عليش ، مصطفى أبو سريع، صولا عمر ،شمبر، رنا سماحه، طاهر ابو ليلة، محمد علام ، ياسر الرفاعي، موحه الحراق. ومن تأليف وائل يوسف، مدير تصوير مارك عوني، ديكور رمسيس سليم ، اشراف عام رجب عارف، منتج فني عماد الريس.

ويزو: "كان نفسي اعمل فوازير واشتغل مع فؤاد المهندس"
 

قالت الفنانة ويزو، "بدايتي كانت في كلية تربية وماكانش التمثيل في دماغي خالص، وبدايتي في الوسط الفني كان في مركز الأبداع مع خالد جلال، وأول مرة أقف قدام كاميرا كان في برنامج (جد جدًا) مع أشرف عبدالباقي"، جاء ذلك خلال حوارها لبرنامج "ع اللوكيشن" مع شريف الليثي على "راديو هيتس".

وأضافت "أنا بحب الرقص جدًا من زمان، وكنت مدرسه ثانوي بنين وأخترت أسيب التدريس وأمثل، ومفيش حد في عيلتي بيمثل غيري، وأهلي هما اللي بيشجعوني طول الوقت، وكان نفسي اشتغل مع فؤاد المهندس".

وتابعت، "أما أول فيلم ليا كان "جيران السعد بعدها فيلم جوازة ميري، و عملت فيلم كلب بلدي مع معتز التوني، وكان ليا 8 مشاهد أحلي من بعض، وعن  فيلم كلب بلدي فهو من أحلي وأجمل الأفلام اللي عملتها في حياتي".

واستكملت، "الناس عرفتني بعد مسرح مصر ، وأشرف عبدالباقي ليه فضل كبير جدًا علينا، ومسرح مصر أهم وأكبر نقلة في حياتي"، واختتمت قائلة "اللي معايا من البداية لحد دلوقتي  ربنا عز وجل و أبويا وأمي، ونجاحي سببه ربنا".