الجمعة 19 أغسطس 2022 الموافق 21 محرم 1444
رئيس التحرير
حازم عادل
فن وثقافة

الفنانة رحمة حسن تكشف تفاصيل تعرضها للتحرش

السبت 06/أغسطس/2022 - 02:00 ص
رحمة حسن
رحمة حسن

كشفت الفنانة رحمة حسن تفاصيل تعرضها للتحرش ومضايقة أحد الأشخاص لها إلكترونياً وتتبعها ومضايقتها علي مدار عامين، مطالبة بإتخاذ الإجراءات اللازمة تجاه هذا الشخص.

وقالت رحمة حسن عبر صفحتها الشخصية علي موقع التواصل الاجتماعي ،" انستجرام"،" الشخص ده من سنتين و هو بيبعت رسايل غريبة و بيعمل حاجات غريبة وبيضايق كل صحباتي البنات لو نزل صورة او حاجه معاهم و حتي الناس اللي بشتغل معاهم او اصحابي في العادي بيدخل يدور علي الاكونتات بتعتهم و يبعتلهم اغاني و حاجات غريبة و يسال عني انا في و بروح فين و كل اصحابي مش واحد بس عمل كده مع اكتر من حد".

وتابعت رحمة حسن ،" متتبع الاماكن اللي بروح فيها و مش عارفة بيعرف منين انا بقالي سنتين علي الحال ده اخرها المكان اللي كنت مفروض اروحه بكرة علشان شغل …!".

 

 وكانت الفنانة رحمة حسن قد تعرضت مؤخرا لعضة كلب حيث شرحت التفاصيل قائلة " امبارح الساعة 11 بليل كنت نازلة أجيب حاجة من السوبر ماركت جمب البيت، كنت ماشية علي الرصيف وكان في عربيه بتركن جمبي عادي، فجاه الباب اتفتح ولقيت كلب جيرمن شيبرد بيهجم عليه بكل قوته".

وتابعت: "طبعا حاولت أجري لكن للاسف الكلب كان قوي وشرس ووقعني علي الأرض، حاولت أقوم وأجري وصاحبته حاولت تشده، بس فك الليش بتاعه وعضني عضه كبيرة وغويطه بنابه في منطقة حساسة".

وأضافت: "صاحبة الكلب كتر خيرها اخذتني فورا علي مستشفي إمبابة، أدوني حقنه تطعيم الكلب ولسه فاضل لي 4 هاخدهم خلال شهر، بس المشكله أن من امبارح الجرح بينزف دم كتير، وأنا طبعا خايفه ومصدومة وتعبانه وعندي تروما من امبارح والي واجعني أكتر أني مَش عارفه اتصرف إزاي، خصوصا أني أكيد مَش عايزه الكلب يتاذي، بس كمان مَش عايزه أي إنسان كمان يتاذي ويتعض ويتبهدل في الشارع زيي".