السبت 13 أغسطس 2022 الموافق 15 محرم 1444
رئيس التحرير
حازم عادل
فن وثقافة

هاني رمزي يكشف تفاصيل جديدة عن كواليس فيلم غبي منه فيه وعلاقة الزعيم عادل إمام به

الخميس 04/أغسطس/2022 - 01:30 ص
هاني رمزي
هاني رمزي

كشف الفنان هاني رمزي عن تفاصيل جديدة في كواليس  فيلم "غبي منه فيه " بعد عرضه بسنوات، عن حرص عادل إمام في كواليس الفيلم كاملة.


وكتب هاني رمزي على موقع التدوينات القصيرة "تويتر "مغردا "عايز اقولكم على سر محدش يعرفه.. فيلم غبي منه فيه من الأفلام الأقرب لقلبي لأن الزعيم عادل إمام كان حاضر تصوير الفيلم كله و ده لأن الفيلم كان من إخراج إبنه المخرج الموهوب رامي إمام".

وتابع هاني رمزي في تغريدة أخرى: "حاجة كمان، المشهد الشهير ليا مع المرحوم طلعت زكريا بتاع التخطيط للمهمة، إحنا كنا اتفقنا إننا هنلغي المشهد ده بالكامل من الفيلم والزعيم عادل امام هو اللي أصر أن المشهد يفضل موجود لأنه على حسب كلامه مشهد حلو وهيجيب ضحك كتير، وقد كان بالفعل.. ربنا يخليلنا الزعيم ويطولنا في عمره يارب".

هاني رمزي عن دوره في مسلسل العائدون


قال الفنان هاني رمزي، انا جالي ورق مسلسل "العائدون" عشان أكون ضيف فيه، وبعمل فيه مهمة معينة، ولما قرأت النص، اندهشت، ووجدت إنه في إجماع علي ترشيحي لهذا الدور، جاء ذلك خلال مداخلة هاتفية لبرنامج "هُليلة في 30 ليلة" الذي يذاع علي ميجا اف ام خلال شهر رمضان، والحلقة من تقديم أمجد الشرقاوي .

وأضاف رمزي: "من زمان وأنا بنلعب أدوار تراچيدي وكلاسيكيات في إطار التمثيل والتدريب بالأكاديمية، لكن العودة للتراجيدي على الشاشة كان مسبب قلق ليا، بس رد الفعل ريحني جدا، ويمكن ده يؤثر علي إختياراتي بعد كده.

وأكد كذلك على أن فنانين مصر بكل خير، وبيحبوا مصر بجد، وأنا واحد من هؤلاء الفنانين، ومهنتنا مهنة عظيمة، وده واجبنا، إننا نقدم عمل ينور عقول الناس ويدق ناقوس خطر، مش بس لمصر أو العالم العربي، لأ العالم كله، لأن الإرهاب قضية عالمية، ولما قرأت المسلسل اكتشفت هذا العالم.

واختتم قائلا مهما الفنان كبر، لازم يقلق، ويجهز نفسه، ويذاكر كويس، في خدمة الشخصية، وقعدت مع متخصصين، وقعدت مع المخرج والمؤلف، عشان أعرف إزاي أطوع الأدوات في سبيل إتقان الدور.