إبراهيم سعيد يرد على عبد الغني: "الأهلاوية مش مدفوعين الأجر واللي بيقولك كده بيسوحك"
رد إبراهيم سعيد نجم الكرة المصرية الأسبق على تصريحات مجدي عبد الغني نجم النادي الأهلي الأسبق، والتي كشف خلالها عن وجود لجان إلكترونية تابعة لجماهير الأهلي تقوم بمهاجمته.
إبراهيم سعيد يرد على عبد الغني: "الأهلاوية مش مدفوعين الأجر واللي بيقولك كده بيسوحك"
وكتب إبراهيم سعيد عبر صفحته الرسمية بموقع “تويتر”، “تصدق بالله عمر ماجماهير الاهلي تبقي مدفوعه الاجر ولا فيها لجان انا خبرتي اكتر منك في السوشيال ميديا واللي بيقولك كده بيسوحك ومفيش لجان يا كابتن في النادي الاهلي ممكن تقصد نادي تاني”.
مجدي عبد الغني يهاجم سيد عبد الحفيظ: "هو أنا بقيت الحيطة المايلة؟"
رد مجدي عبد الغني ، نجم الكرة المصرية السابق، ومقدم البرامج الحالي، على الانتقادات التي وجهها له سيد عبد الحفيظ مدير الكرة بالنادي الأهلي، في تصريحاته بقناة “الأهلي”.
وقال مجدي عبد الغني في تصريحات تلفزيونية ، “أنا نجم وأحد أساطير الأهلي وأحد من حفر اسمه بحروف من ذهب في الأهلي ومنتخب مصر اتشتمت في قناة الأهلي من عيل صغير مشوفتكش بتطلع تتضامن معايا.. وأنا مليش إني أهاجمك ولا أدافع عنك بعد تصريحات المستشار مرتضى”.
وأضاف مجدي عبد الغني ، “عمرو أديب انتقدك انتقاد كبير يا كابتن سيد اشمعنى أنا؟ بقيت الحيطة المايلة؟ آه يا زمن ده أنا وحش الوحوش ده أنا اللي كنت بخلص على نص الملعب كله ده اللي كان بيقف معايا بره التراك بطيره.. أسد سنانه وقعت؟ أنا أسد آه بس لسه سناني موقعتش”.
وانفعل مجدي عبد الغني على الهواء مباشرة، ليرد على سيد عبد الحفيظ: لما اتشتمت في قناة الأهلي وأنا من أساطير النادي، انت سكت مردتش ليه؟، هو حلال عليك وحرام عليا.
وأضاف مجدي عبد الغني في تصريحاته التلفزيونية: اللهم أجعل الأهلي وقياداته راضية عنا آمين، اللهم أعطنا حب السوشيال ميديا والمواقع مدفوعة الأجر آمين، يارب يبطلوا يشتمونا آمين.
