الأحد 14 أغسطس 2022 الموافق 16 محرم 1444
رئيس التحرير
حازم عادل
محافظات

"جلده كان سايح".. أسرة موظف قنا تكشف تفاصيل مرعبة أثناء العثورعلى جثته داخل برميل (لايف)

السبت 23/يوليو/2022 - 02:42 م
صورة من الحدث
صورة من الحدث

 نجحت الأجهزة الأمنية بقنا، في كشف هوية جثة عثر عليها، متفحمة داخل برميل مغلق بجوار مرشح مياه قرية الحمر والجعافرة بقوص.

وكشف أحد أقارب المجني عليه تفاصيل العثور على جثة نجلهم متفحمة داخل برميل: “كنا قاعدين عادي فاجأه لقينا الناس بيقولوا لقوا برميل جواه جثة محروقة محدش فينا توقع أن هو لأن مالهوش أعداء والناس بتحبه جدا ”.
وتابع:" شكله في المشرحة كان فظيع طعنوه بالسكينة طعنات كتير وجلده كله محروق بسبب أنهم حرقوه وجسمه لازق في بعضه وجلده سايح ..كان بيأذن الفجر بالناس".
 

وقال عم المجني عليه في تصريحات خاصة لـ"مصر تايمز": " يوم الخميس جيه البيت اتنين وخدوه  الصبح الساعه 10  عشان عايزين منه فلوس من البنك ومن يومها اختفى منعرفش عنه حاجة بعد كده التليفون اتقفل احنا محدش سأل وقولنا فصل شحن".
وتابع: " صحابه في الشغل كلمونا وقالوا أنه مجاش وأنى دي أول مره ميجيش  عشان كدا كلنا خوفنا عشان هو كان رايح يجيب فلوس من البنك.. تم العثور عليه لما عيال كانوا رايحين يفتحوا برميل بالصدفة موجود في الماية طلعوا لقوا جثته".

 

 وأضاف:" معالم الجثة كانت صعبة اوى كانوا مقطعين يده ورجله وفي جرح قطعي بالرقبة ...ليه يعملوا فيه كده كل دا عشان الفلوس ..كان ياخدوا الفلوس بس يسيبو ..ومالهوش في المشاكل وكل الناس بتحبه اوى هنا في البلد وبيصلي الفجر حاضر وعارف ربنا".
وكشفت التحريات الأولية أن الجثة لموظف بالسكة الحديد يدعى عبدالباسط أحمد أبو المجد، 52 عاما، مقيم بقرية الكراتية في قوص، تغيب من صباح الأمس وتم العثور عليه جثة متفحمة داخل برميل مواد بترولية مغلق بنهر النيل بجوار مرشح المياه بقرية الحمر والجعافرة في قوص.
تلقى مرفق إسعاف قنا بلاغا من الأجهزة الأمنية والأهالي يفيد بالعثور على جثة شاب مجهول الهوية متحللة داخل برميل، في نهر النيل بقرية الحمر والجعافرة بقوص.

وتم انتقال الأجهزة الأمنية الى موقع الحادث، ونقل الجثة إلى مشرحة مستشفى قوص، وحرر محضر بالواقعة، وأخطرت جهة التحقيق لاتخاذ الإجراءات القانونية اللازمة حيال الواقعة .