الإثنين 08 أغسطس 2022 الموافق 10 محرم 1444
رئيس التحرير
حازم عادل
محافظات

"طعنوه بالسكين وشوهو جثمانه بالنار".. أسرة موظف قنا تكشف تفاصيل العثور على جثته متفحمة داخل برميل (فيديو)

السبت 23/يوليو/2022 - 12:34 م
عم المجني عليه
عم المجني عليه

نجحت الأجهزة الأمنية بقنا، في كشف هوية جثة عثر عليها، متفحمة داخل برميل مغلق بجوار مرشح مياه بقرية الحمر والجعافرة بقوص.

وقال عم المجني عليه في تصريحات خاصة لـ"مصر تايمز": " يوم الخميس جيه البيت اتنين وخدوه  الصبح الساعة 10  عشان عايزين منه فلوس من البنك ومن يومها اختفي منعرفش عنه حاجة بعد كدا التليفون اتقفل ف أحنا محدش سأل وقولنا فصل شحن".

وتابع: " صحابه في الشغل كلمونا وقالوا أنه مجاش وأنى دي أول مره ميجيش  عشان كدا كلنا خوفنا عشان هو كان رايح يجيب فلوس من البنك.. تم العثور عليه لما عيال كانوا رايحين يفتحوا برميل بالصدفة موجود في الماية طلعوه لقيوا جثته".

وأضاف:" معالم الجثة كانت صعبة اوى كانوا مقطعين ايده ورجله وفي جرح قطعي ف الرقبة ...ليه يعملوا فيه كدا كل دا عشان الفلوس ..كان ياخدوا الفلوس بس يسيبوه ..ومالهوش في المشاكل وكل الناس بتحبه اوى هنا في البلد وبيصلي الفجر حاضر وعارف ربنا".

وكشفت التحريات الأولية أن الجثة لموظف بالسكة الحديد يدعى عبدالباسط أحمد أبو المجد، 52 عاما، مقيم بقرية الكراتية في قوص، تغيب من صباح الأمس وتم العثور عليه جثة متفحمة داخل برميل مواد بترولية مغلق بنهر النيل بجوار مرشح المياه بقرية الحمر والجعافرة في قوص.
تلقى مرفق إسعاف قنا بلاغا من الأجهزة الأمنية والأهالي يفيد بالعثور على جثة شاب مجهول الهوية متحللة داخل برميل، في نهر النيل بقرية الحمر والجعافرة بقوص.

وتم انتقال الأجهزة الأمنية الى موقع الحادث، ونقل الجثة إلى مشرحة مستشفى قوص، وحرر محضر بالواقعة، وأخطرت جهة التحقيق لاتخاذ الإجراءات القانونية اللازمة حيال الواقعة .