الجمعة 29 مارس 2024 الموافق 19 رمضان 1445
رئيس التحرير
حازم عادل
فن وثقافة

بهاء الدين محمد عن شيرين: "لو ليا سلطة عليها مش هخليها تنطق"

الخميس 21/يوليو/2022 - 03:43 م
شيرين عبد الوهاب
شيرين عبد الوهاب والشاعر بهاء الدين

علق الشاعر بهاء الدين محمد على الجدل الذي أحدث بسبب تصريحات الفنانة شيرين عبد الوهاب حول تنمرها على الموسيقار الراحل حسن أبو السعود.

 

بهاء الدين محمد عن شيرين: "لو ليا سلطة عليها مش هخليها تنطق"

 

كتب بهاء الدين على صفحته على "الفيسبوك" قائلا:"حسن أبو السعود حبيبى اللى عمرى ما حسيت إنه مش ف الدنيا واللى كل الوسط بيحبه وكان وجوده ف أى مكان بيعمل حاله من البهجة بروحه الطيبة وقلبه اللى كله حب وفن ".


قال بهاء الدين :"الفنان اللى عملنا مع بعض نجاحات عايشه لحد النهاردة ومنها  "أسف حبيبتى ، لما النسيم  فى ناس ، أصعب حب ، وعدا الليل ، عمال يحكيلى عنها" ومئات الأغانى اللى كان بخبرته ف اللايف بيعرف يجيب الجملة اللى الناس تحبها وبالفعل سيطرنا سنين على الساحة الغنائية وغيرنا كتير . ده غير أنه كان من أفضل العازفين على الأوكرديون ف العالم ".


وأضاف:" في يوم من الأيام وهو نايم تعبان لقيته إبتسملى وسألنى أنت عارف مين أكتر حد ح يزعل عليا لما أموت ؟ قولتله إسم من أسماء ولاده . قالى لأ أنت أكتر حد ح يزعل عليا وبالفعل أنا مابقيتش حتى أمشى من شارع بيته وفضلت فترة طويلة أنسا أنه مات لأنه عشرة فن وحياة .وكان بيحبنى كأنى إبنه وكان بيفرحلى بكل نجاح حتى لو مش معاه وح أبقى أحكيلكم إزاى إتقابلنا لأن الموضوع ده مهم".


وتابع بهاء الدين:"المهم علشان أقول اللى ضميرى بيحسه في موضوع شيرين عبدالوهاب  واللى جهات كتير عايزنى أقول رأى ف كلامها عنه او وصفها أنا بكل صراحه بأقول ماحستش إنها قاصده تهينه ولا تسخر منه هى بس إستدعت سيرته بشكل يبدو ساخر لكن أنا رغم إنى متضايق منها وهو عندى من أغلى الناس إلا إن إحساسى قالى إنها ماتقصدش ".


أردف:"لأن فعلا لما كنا بنتقابل كان بيحتفل بشيرين وبيحب فنها و البساطه اللى فيها وهى كانت بتحبه وتحترمه ، وللعلم أنا لما كنت بأروحله وشبعان ومش طايق أشوف أكل اول ما يقولى تاكل بأداء ماشوفتش زيه بألاقى نفسى بأجوع الله يرحمه كان فنان ودمه خفيف وقلبه قلب طفل".

 
واختتم بهاء الدين: "بس هى غلطانه إنها بتطلع تتكلم !!! ولو ليا سلطة عليها مش ح أخليها تنطق لا على مسرح ولا لقاء ولا حتى في حياتها الشخصية أسكتى يا شيرين".

 

 

بيان شيرين عبد الوهاب 

 

أعلنت الفنانة شيرين عبدالوهاب اتخاذها الإجراءات القانونية ضد زوجها السابق حسام حبيب.

 

وقالت شيرين، في بيان، أصدرته منذ قليل: "تم اتخاذ كافة الإجراءات القانونية حيال هذه الوقائع التي تمثل عدة جرائم ومن أجل ذلك تم توكيل مكتب المستشار ياسر قنطوش المحامي باتخاذ كافة الإجراءات القانونية تجاه طليقها حسام حبيب".

 

ووفقا للبيان: "تهيب الفنانة شيرين عبدالوهاب السادة الصحفيين والإعلاميين عدم التواصل معي بشأن هذه القضايا وأنني سوف أركز من اليوم في عملي فقط، وسوف أترك الإجراءات القانونية إلى مكتب المستشار ياسر قنطوش المحامي وكلي ثقة فيه وفي قضاء مصر العادل في استعادة حقوقي".