مريم الخشت تكشف تفاصيل إصابتها في مسلسل "مجنونة بيك" (فيديو)
كشفت الفنانة مريم الخشت إصابتها إثناء التصوير في مسلسل "مجنونة بيك"، ومشيرة بمرورها بعض الإختلافات في هذة السنة لم تكن متعودة عليها ومنها غيابها عن السباق الرمضاني منذ 5 سنوات.
مريم الخشت تكشف تفاصيل إصابتها في مسلسل "مجنونة بيك" (فيديو)
نشرت مريم الخشت على موقع تبادل الصور والفيديوهات “إنستجرام”وعلقت عليه قائلة:"بداية السنة دي كانت مختلفة.. واختلافها في حاجات كنت متعودة عليها بقالي سنين وكلها إتغيرت.. يعني السنة دي هي أول سنة مكنش في الردايو اللي بقالي فيه سنين، ومكُنش في رمضان لاول مرة من 5 سنين، و لأول مرة رجلي تتكسر وتخليني أقعد في البيت أطول فترة في حياتي في وقت بكل المقاييس اللي في الدنيا ماينفعش يحصل فيه كدهّ بس فعلاً ربنا كبير أوي و مش بيعمل حاجة وحشة، وأنا فعلاً مؤمنة بده!".
وتابعت:"مسلسل "مجنونة بيك" تجربة مختلفة أول مرة تحصل في الوطن العربي، أول مسلسل استعراضي غنائي.. كل الناس اللي بتشتغل فيه بتعمل أقصى و أكتر حاجة عندها عشان يطلع في أحسن شكل، عدد استعراضات كبير وأغاني بتتحفظ وبتتسجل قبلها بفترة، وتيجي يا مريم يوم 30 مارس بعد أول أسبوعين تصوير تٌقعي على رجلك بعد مشهد عادي جداً، بعد الوقعة رجعت كملت التصوير، وبين توقيف التصوير وإننا نكمل لوقوف تصويره شهر كامل!".
أوضحت مريم الخشت:"كل التفاصيل والحاجات اللي عيشتها كانت مخلياني مش فاهمة إزاي هرجع بعد شهر أقدم أكتر من 13 استعراض! إختفيت فترة طويلة، وبعدها رجعت أصور وصورت كل الإستعراضات وأنا رجلي لسه فيها مشاكل بس حماسي لكل حاجة كان مخليني أحسن، متحمسة لكل حاجة حصلت في المسلسل اللي بتشرف إني إشتغلت فيه".
ووجه الشكر إلى :"شكراً لكل الناس من المنتجة الجميلة سالي والي و حبايبي علي فايز و أحمد جمال.. والمخرج صديقي الجميل جو بوعيد، و حبيبي مدير التصوير أحمد زيتون و مصمم الإستعراضات الهايل هادي عواضة، والكاتب الخطير و صديقي عمرو مدحت، المزيكا اللي قدمها و من أكتر الناس اللي شجعتني مصطفى الحلواني، والميكب أرتست حببتي آيه عبد الحميد و زمايلي و أصدقائي اللي وقفوا جنبي جدا أمير المصري وآدم الشرقاوي وانتصار وإنجي كيوان ومراد مكرم ،و لتـــيم الإخراج اللي حرفياً "شالني" المسلسل كله بعد الوقعة، ولكل الناس اللي إشتغلوا وطلع عنيهم عشان المسلسل يخرج بأحسن شكل ..متحمسة جداً تشوفوا "راندا" ومتحمسة تقولولي رأيكم".
فيلم ريستا
وعرض لمريم الخشت مؤخرا في دور السينما فيلم "ريستا" وشاركها البطولة كل من محمود حميدة وأحمد الفيشاوي وعائشة بن أحمد ومريم الخشت ومي الغيطي وأمير المصري وكارولين عزمي ويوسف عثمان، ومن تأليف معتز فتيحة، وإخراج أحمد يسري.
