سيمون توجه رسالة غامضة: لما تعيا وتموت إيه اللي هينفعك

وجهت الفنانة سيمون رسالة غامضة عبر حسابها بموقع التواصل الاجتماعي “انستجرام”.

وكتبت سيمون: "لمًا تعيا وتموت في الآخر النهاردة ولا بعد سنين، إيه بقي اللي هينفعك يا سيدي!؟ لسانك، عملك، كلمة حق قلتها أو ماقلتهاش في وقتها أو بعدها، ضميرك حكّمته في إيه؟! ومع مين!؟".

وأضافت: "كتمت غيظك مرة وعفيت عن مقدرة عشرين وبعد ده كله! إيه اللي هيفضلك غير سيرة طيبة ومعاملة حسنة وعدالة بين بني آدمين، افرح واغضب وثور واعند واتكبر وساعد حد أو على الأقل ماتعثرهوش".

وتابعت سيمون: "تواضع عن قوة مش خسة بس اعرف إنها بيك من غيرك ومن غيرهم خلصانة فمشيها زي ماتشوفها، وزي ما إنت فاكر! أنا عن نفسي بعامل ربنا في كل الناس، وربنا بقى يديني على قد نيتي مع الناس ويديهم برضه!".

آخر اعمال سيمون

ويذكر أن الفنانة تعيش حالة من النشاط الفني حيث أنها طرحت أحدث أعمالها الغنائية (الروح الفرفوشة)، وذلك عبر قناتها بموقع يوتيوب بعد غياب دام لسنوات طويلة والأغنية من كلمات هشام قباري وألحان أحمد مصطفى، وتعاونت فيها مع الموزع الموسيقى شريف الوسيمي

وكان من المقرر أن تقوم سيمون ببطولة مسلسل عن السيرة الذاتية للفنانة الراحلة ليلى مراد، يحمل توقيع الكاتب عبدالنور خليل، إلا أن وفاته أدت إلى توقف المشروع .